ನವಲಗುಂದ: ಉತ್ತರ ಕರ್ನಾಟಕದ ಗ್ರಾಮೀಣ ಭಾಗದಲ್ಲಿ ಮಳೆ ಕೃಷಿ ಆಧಾರಿತ ಆಚರಣೆ ವಿಧಿ ವಿಧಾನಗಳು ವಿಭಿನ್ನ ರೀತಿಯಲ್ಲಿ ನಡೆಯತ್ತದೆ.
ಗುರ್ಜಿ ಪೂಜೆ, ಗಂಗವ್ವನ ಪೂಜೆ, ಕತ್ತೆ ಮದುವೆ, ಕಪ್ಪೆಗಳ ಮದುವೆ, ಕಿಳ್ಳು ಕ್ಯಾತರ ಆಟ, ತಿಳ್ಳಿಯಾಟ ಮುಂತಾದ ಆಚರಣೆ ಪೂಜೆ ಪುನಕ್ಕಾರ ಆಟಗಳಿಂದ ಮಳೆರಾಯನ ಕೃಪೆಗಾಗಿ ಪ್ರಾರ್ಥಿಸುವದು ಸಂಪ್ರದಾಯ ಇದೆ.
ಗ್ರಾಮೀಣ ಪ್ರದೇಶಗಳಲ್ಲಿ ಶತಮಾನಗಳಿಂದಲೂ ಆಚರಣಿಯಲ್ಲಿರುವ ಗುರ್ಜಿಪೂಜೆ ವಿಶಿಷ್ಟವಾಗಿದೆ. ವ್ಯಕ್ತಿ ಅಥವಾ ಬಾಲಕನ ತಲೆಯ ಮೇಲೆ ತವೆ (ರೊಟ್ಟಿ ಮಾಡುವ ಹಂಚು) ಇಟ್ಟು ಅದರ ಮೇಲೆ ಆಕಳ ಸಗಣಿಯಿಂದ ತಯಾರಿಸಿದ ಗುರ್ಜಿ ಹೋರಿಸಲಾಗುತ್ತದೆ ಆನಂತರ ಗುರ್ಜಿ ಹೊತ್ತವರ ಹಿಂದೆ ಮಹಿಳೆಯರು ಹಿಂದೆ ಹಿಂದೆ ಸುತ್ತಾಡಿ ನೀರು ಹಾಕಿ ಪೂಜೆ ಮಾಡುತ್ತಾರೆ.
ಸ್ಥಳಿಯ ಅಗಸಿ ಓಣಿಯ ಮಹಿಳೆಯರಿಂದ ಸಮೃದ್ಧ ಮಳೆಗಾಗಿ ಪ್ರಾಥಿಸಿ ಗುರ್ಜೆ ಪೂಜೆ ಮಾಡಿದರು.