ವೃದ್ಧೆಯನ್ನು ಕೋಣೆಯಲ್ಲಿ ಕೂಡಿ ಹಾಕಿ ದರೋಡೆ

ಕಾಸರಗೋಡು: ದರೋಡೆಕೋರರು ವೃದ್ಧೆಯೊಬ್ಬರನ್ನು ಕೋಣೆಯಲ್ಲಿ ಕೂಡಿ ಹಾಕಿ ಚಿನ್ನಾಭರಣ ಮತ್ತು ನಗದು ದರೋಡೆ ಮಾಡಿರುವ ಘಟನೆಯು ವೆಳ್ಳಿಕೋತ್ ನಲ್ಲಿ ಮಂಗಳವಾರ ಬೆಳಗ್ಗೆ ನಡೆದಿದೆ.

ವೆಳ್ಳಿಕೋತ್ ನ ಓಮನಾ ಟೀಚರ್ ಎಂಬವರ ಮನೆಗೆ ಮುಂಜಾನೆ ವೇಳೆ ನುಗ್ಗಿದ ದರೋಡೆಕೋರರು, ಓಮನಾ ಅವರನ್ನು ಬೆದರಿಸಿ, ಕೋಣೆಯಲ್ಲಿ ಕೂಡಿ ಹಾಕಿದಲ್ಲದೆ 9 ಪವನ್ ಚಿನ್ನಾಭರಣ ಮತ್ತು ಒಂದು ಸಾವಿರ ನಗದು ದರೋಡೆಗೈದಿದ್ದಾರೆ.

ದರೋಡೆಕೋರರು ಹಿಂಬಾಗಿಲನ್ನು ಮುರಿದು ಮನೆಯೊಳಗೆ ಪ್ರವೇಶಿಸಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಕಾಞಂಗಾಡ್ ಡಿವೈಎಸ್ ಪಿ ದಾಮೋದರನ್ ನೇತೃತ್ವದಲ್ಲಿ ಪೊಲೀಸರು ಹಾಗೂ ಬೆರಳಚ್ಚು ತಜ್ಞರು ಸ್ಥಳಕ್ಕೆ ಆಗಮಿಸಿ ತನಿಖೆ ನಡೆಸಿದ್ದಾರೆ.