ಬೆಂಗಳೂರು: ವೀಕೆಂಡ್‌ ವಿತ್‌ ರಮೇಶ್‌ ಕಾರ್ಯಕ್ರಮದಲ್ಲಿ ಈ ವಾರದಲ್ಲಿ ಯುವಜನರ ಕಣ್ಮಣಿ ಡಾಲಿ ಧನಂಜಯ ಅವರು ಅತಿಥಿಯಾಗಿ ಬರಲಿದ್ದಾರೆ.
ಈ ಬಗ್ಗೆ ಪ್ರೋಮೋವನ್ನು ಝೀ ಕನ್ನಡ ಬಿಡುಗಡೆ ಮಾಡಿದೆ. ಡಾಲಿ ಧನಂಜಯ ಅವರ ಬಡವರ ಮಕ್ಕಳು ಸಖತ್‌ ಫೇಮಸ್‌ ಡೈಲಾಗ್‌. ಧನಂಜ ಈ ವೃತ್ತಿಗೆ ಬರುವ ಮೊದಲು ಐಟಿ ಕ್ಷೇತ್ರದಲ್ಲಿ ಉದ್ಯೋಗದಲ್ಲಿದ್ದರು. ಆದರೆ ಸಿನಿಮಾ ಗೀಳು ಅವರನ್ನು ಈ ಕ್ಷೇತ್ರದತ್ತ ಎಳೆದು ತಂದಿತು. ಸಿನಿಮಾ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಿದ ಬಗೆಯ ಕುರಿತು ಕಾರ್ಯಕ್ರಮದಲ್ಲಿ ಡಾಲಿ ಹೇಳಿಕೊಳ್ಳಲಿದ್ದಾರೆ.
ಡಾಲಿ ಅವರು ತಮ್ಮ ಬದುಕಿನ ಕಹಿ ಕ್ಷಣಗಳ ಕುರಿತು ಪ್ರೋಮೋದಲ್ಲಿ ಕಣ್ಣೀರು ಹಾಕಿದನ್ನು ಕಾಣಬಹುದು. ಈ ನಿಟ್ಟಿನಲ್ಲಿ ಅವರ ಅಭಿಮಾನಿಗಳು ಶೋ ಪ್ರಸಾರಕ್ಕೆ ಕಾತರದಿಂದ ಕಾಯುತ್ತಿದ್ದಾರೆ.
