ಬೆಂಗಳೂರು : ಮೊಗ್ಗಿನ ಮನಸ್ಸು ಖ್ಯಾತಿಯ ನಿರ್ದೇಶಕ ಶಶಾಂಕ್ ಮತ್ತೊಂದು ಹೊಸ ಚಿತ್ರ ಮಾಡಲು ಹೊರಟಿದ್ದಾರೆ.
ಲವ್ 360 ಸಿನಿಮಾದಲ್ಲಿ ನಿರ್ದೇಶಕರು ಚಿತ್ರದಲ್ಲಿ ಪ್ರವೀಣ್ ಎಂಬ ಹೊಸ ನಟನನ್ನು ಸ್ಯಾಂಡಲ್ ವುಡ್ ಗೆ ಪರಿಚಯಿಸುತ್ತಿದ್ದಾರೆ. ಲವ್ 360 ಹೆಸರಿನ ಈ ಚಿತ್ರದಲ್ಲಿ ರಚನಾ ಇಂದರ್ ನಾಯಕಿಯಾಗಿ ನಟಿಸಿದ್ದಾರೆ. ಆಗಸ್ಟ್ 27 ರಂದು ಚಿತ್ರೀಕರಣ ಆರಂಭಿಸಲು ಶಶಾಂಕ್ ಯೋಜಿಸುತ್ತಿದ್ದರು . ರೊಮ್ಯಾಂಟಿಕ್ ಕಥೆಯ ಫರ್ಸ್ಟ್ ಲುಕ್ ರಿಲೀಸ್ ಮಾಡಿದ್ದಾರೆ.
ಚಿತ್ರದ ಫರ್ಸ್ಟ್ ಲುಕ್ ನಲ್ಲಿ ಭಾವನೆಗಳ ಮಿಶ್ರಣವಾಗಿದೆ ಎಂಬುದನ್ನು ತೋರಿಸುತ್ತದೆ, ಇದೊಂದು ತೀವ್ರ ತರವಾದ ಪ್ರೇಮಕಥೆಯಾಗಿದ್ದು, ಪ್ರತಿಯೊಂದು ಚೌಕಟ್ಟೂ ವಿಭಿನ್ನ ಭಾವನೆಗಳಿಂದ ತುಂಬಿರುತ್ತದೆ ಎಂದು ಶಶಾಂಕ್ ಹೇಳಿದ್ದಾರೆ.
ಈ ಸಿನಿಮಾ ಹುಡುಗ ಮತ್ತು ಹುಡುಗಿಯ ನಡುವಿನ ಅಪ್ರತಿಮ ಪ್ರೀತಿಯನ್ನು ಎತ್ತಿ ತೋರಿಸುತ್ತದೆ ಮತ್ತು ಎಲ್ಲಾ ಸಂದರ್ಭಗಳಲ್ಲಿ ಅವರು ಹೇಗೆ ಪರಸ್ಪರ ಒಬ್ಬರಿಗೊಬ್ಬರು ಹೇಗೆ ಒತ್ತಾಸೆಯಾಗಿ ನಿಲ್ಲುತ್ತಾರೆ ಎಂಬುದು ಸಿನಿಮಾ ಕಥೆಯಾಗಿದೆ.
ಇದು ಒಂದು ಕಾಲ್ಪನಿಕ ಕಥೆಯಾಗಿದ್ದರೂ ಸಹ ನೈಜವಾದ ನಿರೂಪಣೆಯಿಂದ ಕೂಡಿದೆ. ಲವ್ 360 ಅನ್ನು ನಿರ್ದೇಶಕರ ಹೋಮ್ ಬ್ಯಾನರ್ ಶಶಾಂಕ್ ಸಿನಿಮಾ ಅಡಿಯಲ್ಲಿ ತಯಾರು ಮಾಡಲಾಗುತ್ತಿದೆ.
ಸಿನಿಮಾಗೆ ಅರ್ಜುನ್ ಜನ್ಯ ಸಂಗೀತವಿದ್ದು, ಅಭಿಲಾಷ್ ಕಲಾತಿ ಛಾಯಾಗ್ರಾಹಣವಿದೆ. ಶುಕ್ರವಾರ ಚಿತ್ರೀಕರಣವನ್ನು ಆರಂಭಿಸಲು ತಂಡವು ಸಿದ್ಧವಾಗುತ್ತಿದೆ ಮತ್ತು ಬೆಂಗಳೂರಿನ ವಿವಿಧ ಭಾಗಗಳಲ್ಲಿ ಕೆಲವು ದೃಶ್ಯಗಳನ್ನು ಚಿತ್ರೀಕರಿಸಲಿದೆ.