ಚೆನ್ನೈ: ತಮಿಳು ಸೂಪರ್ಸ್ಟಾರ್ ಸೂರ್ಯ ಅವರು ಅಮೆಜಾನ್ ಪ್ರೈಮ್ ವೀಡಿಯೊದ ಜತೆ ವಿಶೇಷ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ. ಈ ಒಪ್ಪಂದದಡಿಯಲ್ಲಿ ಅವರ ನಾಲ್ಕು ಮುಂಬರುವ ಚಿತ್ರಗಳು ನೇರವಾಗಿ ಅಮೆಜಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾಗಲಿವೆ.
ಮುಂದಿನ ನಾಲ್ಕು ತಿಂಗಳಲ್ಲಿ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಸೂರ್ಯ ಅವರ ನಿರ್ಮಾಣ ಸಂಸ್ಥೆ 2ಡಿ ಎಂಟರ್ಟೈನ್ಮೆಂಟ್ನ ಮುಂದಿನ ನಾಲ್ಕು ತಮಿಳು ಚಿತ್ರಗಳು ಪ್ರದರ್ಶನಗೊಳ್ಳಲಿವೆ.
ಈ ಹಿಂದೆ ಪೊನ್ಮಂಗಲ್ ವಂದಲ್ ಮತ್ತು ಸೂರರೈ ಪೊಟ್ರು ನಂತಹ ಚಿತ್ರಗಳನ್ನು ಒಟಿಟಿಯಲ್ಲಿ ಅಭಿಮಾನಿಗಳು ವೀಕ್ಷಿಸಿದ್ದರು. ಈ ಪಾಲುದಾರಿಕೆಯಲ್ಲಿ ಮತ್ತೊಂದು ಹೆಜ್ಜೆ ಹಾಕಲು ನನಗೆ ಸಂತೋಷವಾಗುತ್ತಿದೆ ಎಂದು 2ಡಿ ಎಂಟರ್ಟೈನ್ಮೆಂಟ್ನ ಸಂಸ್ಥಾಪಕ ಸೂರ್ಯ ಪ್ರಕಟಣೆಯಲ್ಲಿ ಹೇಳಿದ್ದಾರೆ.
ಈಗ ಜೈ ಭೀಮ್, ಕೌಟುಂಬಿಕ ಚಿತ್ರ ಉದನ್ಪಿರಪ್ಪೆ, ಮಕ್ಕಳ ಚಿತ್ರ ಓ ಮೈ ಡಾಗ್ ಮತ್ತು ವಿಡಂಬನಾತ್ಮಕ ಚಿತ್ರ ರಾಮನ್ ಆಂಡಲಂ ರಾವಣನ್ ಆಂಡಲಮ್ ಅಮೆಜಾನ್ ಪ್ರೈಮ್ ನಲ್ಲಿ ನಲ್ಲಿ ಬಿಡುಗಡೆಯಾಗುತ್ತಿವೆ. ಈ ಮೂಲಕ ಕೋವಿಡ್ ಕಾಲಘಟ್ಟದಲ್ಲಿ ತಮ್ಮ ಅಭಿಮಾನಿಗಳಿಗೆ ಮನೆಯಲ್ಲೇ ಸಿನಿಮಾ ನೋಡುವ ಗುಡ್ನ್ಯೂಸ್ ನೀಡಿದ್ದಾರೆ.