ಮುಂಬೈ: ದಾದರ್‌ನ 10 ವರ್ಷದ ಬಾಲಕಿಯ ಹೊಟ್ಟೆಯಿಂದ 100 ಗ್ರಾಂ ತೂಕದ ಕೂದಲಿನ ಉಂಡೆಯನ್ನು ವೈದ್ಯರು ಶಸ್ತ್ರಚಿಕಿತ್ಸೆ ಮೂಲಕ ಹೊರತೆಗೆದಿದ್ದಾರೆ. ‘ಟ್ರೈಕೋಫಾಗಿಯಾಸ್’ ಎಂಬ ವಿಲಕ್ಷಣ ಅಸ್ವಸ್ಥತೆಯಿಂದ ಬಳಲುತ್ತಿರುವ ಕಿಯಾರಾ ಬನ್ಸಾಲ್ ಎಂಬ ಬಾಲಕಿ ಕೂದಲು ತಿನ್ನುವ ಅಭ್ಯಾಸವಿತ್ತು. ಅಸ್ವಸ್ಥಗೊಂಡಿದ್ದ ಬಾಲಕಿಯನ್ನು ಮಕ್ಕಳಿಗಾಗಿ ಪರೇಲ್‌ನಲ್ಲಿರುವ ಬಾಯಿ ಜೆರ್ಬೈ ವಾಡಿಯಾ ಆಸ್ಪತ್ರೆಗೆ ಕರೆತರಲಾಗಿತ್ತು. ಈ ವೇಳೆ ಮಕ್ಕಳ ಶಸ್ತ್ರಚಿಕಿತ್ಸಕ ಪರಾಗ್ ಕರ್ಕೇರ ಅವರು ವೈದ್ಯಕೀಯ ಪರೀಕ್ಷೆ ನಡೆಸಿದ್ದು, ಬಾಲಕಿಯ ಹೊಟ್ಟೆಯಲ್ಲಿ ಗಡ್ಡೆ ಇರುವುದು ತಿಳಿದು ಬಂದಿದೆ.
ನಾವು CT-ಸ್ಕ್ಯಾನ್ ನಡೆಸಿದ ವೇಳೆ ಟ್ರೈಕೋಬೆಜೋರ್’ ಅಥವಾ ಕೂದಲಿನ ರಾಶಿ ಸಣ್ಣಕರುಳಿನ ಭಾಗದಲ್ಲಿ ಕೂದಲಿನ ಉಂಡೆ ಇತ್ತು ಎಂದು ಅವರು ತಿಳಿಸಿದ್ದಾರೆ. ಕೂದಲು ಹೊಟ್ಟೆಯಲ್ಲಿ ಕರಗುವುದಿಲ್ಲವಾದ್ದರಿಂದ, ಅದು ಜೀರ್ಣಾಂಗ ವ್ಯವಸ್ಥೆಯಲ್ಲಿ ಉಳಿಯುತ್ತದೆ, ಮತ್ತು ನಂತರ ಅದು ಚೆಂಡಾಗಿ ಅಥವಾ ದ್ರವ್ಯರಾಶಿಯಾಗಿ ಬದಲಾಗುತ್ತದೆ ಎಂದು ತಿಳಿಸಿದ್ದಾರೆ.
ವೈದ್ಯಕೀಯ ತಂಡವು ಕಿಯಾರಾ ಅವರ ಹೊಟ್ಟೆಯಿಂದ ಕೂದಲು ಉಂಡೆಯನ್ನು ತೆಗೆದುಹಾಕಲು ಎರಡು ಗಂಟೆಗಳ ಶಸ್ತ್ರಚಿಕಿತ್ಸೆ ನಡೆಸಿತ್ತು.
ಕಿಯಾರಾ ಅವರ ಈ ಅಭ್ಯಾಸದ ಬಗ್ಗೆ ಪೋಷಕರಿಗೂ ತಿಳಿದಿರಲಿಲ್ಲ, ಸಮಯಕ್ಕೆ ಚಿಕಿತ್ಸೆ ನೀಡದಿದ್ದರೆ ಕೂದಲಿನಿಂದಾಗಿ ಕರುಳಿನ ಅಡಚಣೆ, ಹೊಟ್ಟೆಯ ಗೋಡೆ ಮತ್ತು ಸಣ್ಣ ಕರುಳಿನಲ್ಲಿ ರಂಧ್ರಗಳಂತಹ ತೊಂದರೆಗಳಿಗೆ ಕಾರಣವಾಗಬಹುದು ಎಂದು ಕರ್ಕೇರಾ ತಿಳಿಸಿದ್ದಾರೆ.
