ಟ್ರೆಂಡ್ ಅನ್ನೋ ಪದ ಈಗ ಸಾಮಾನ್ಯವಾಗಿ ಬಿಟ್ಟಿದೆ. ಏನೇ ಮಾಡಿದರು ಅದು ಫ್ಯಾಷನ್ ಅನ್ನೋ ಕಾಲದಲ್ಲಿ ನಾವಿದ್ದೇವೆ. ಹೊಸದು ಏನೇ ಮಾರ್ಕೆಟ್ ಗೆ ಬಂದರು ಅದು ಟ್ರೆಂಡ್ ಆಗಿ ಬಿಡುತ್ತದೆ. ಜನರು ಅದಕ್ಕೆ ಬೇಗನೆ ಒಗ್ಗಿಕೊಂಡು ತಾವೂ ಅದನ್ನೇ ಅನುಸರಿಕೊಳ್ಳಲು ಮುಂದಾಗುತ್ತಾರೆ. ಇದಕ್ಕೆ ಉದಾಹರಣೆಯಾಗಿ ಸನ್ಗ್ಲಾಸ್ ಗಳನ್ನು ತೆಗೆದುಕೊಳ್ಳಬಹುದು. ಈ ಸನ್ ಗ್ಲಾಸ್ ಅನ್ನು ಜನರು ಕೇವಲ ಫ್ಯಾಷನ್ ಆಗಿ ಮಾತ್ರ ಧರಿಸುವುದಿಲ್ಲ, ಬದಲಾಗಿ ಬಿಸಿಲಿನಿಂದ ಕಣ್ಣುಗಳನ್ನು ರಕ್ಷಿಸಿಕೊಳ್ಳಲು ಸನ್ ಗ್ಲಾಸ್ ಧರಿಸುತ್ತಾರೆ. ಇದು ಹೊರಗಡೆ ಬಿಸಿಲಿನಿಂದ ಮಾತ್ರವಲ್ಲದೇ ಧೂಳು ಮಾಲಿನ್ಯಗಳಿಂದ ಕಣ್ಣುಗಳನ್ನು ರಕ್ಷಿಸುತ್ತದೆ. ಹೀಗೆ ಈ ಸನ್ ಗ್ಲಾಸ್ ಗಳು ಕಣ್ಣಿನ ಆರೋಗ್ಯ ಕಾಪಾಡಿಕೊಳ್ಳಲು ಸಹಕಾರಿ ಜೊತೆಗೆ ಪ್ಯಾಶನ್ ಗೂ ಸೈ ಎಂದೆನಿಸಿಕೊಂಡಿದೆ.
ಇಂದು ಈ ಸನ್ ಗ್ಲಾಸ್ ಗಳಿಗೆ ಹೆಚ್ಚು ಆಕರ್ಷಿತರಾರುವುದು ಯುವಕ ಯುವತಿಯರು ಏಕೆಂದರೆ ಇದನ್ನು ಧರಿಸೋದರಿಂದ ಡಿಫರೆಂಟ್ ಲುಕ್ ಪಡೆಯಬಹುದು. ಜೊತೆಗೆ ಮಾರುಕಟ್ಟೆಯಲ್ಲಿ ದುಂಡಗಿನ ಆಕಾರ, ಆಯತಾಕಾರ, ಚೌಕಾಕಾರ ಹೀಗೆ ವಿವಿಧ ವಿನ್ಯಾಸದ ಫೋಮ್ ಹೊಂದಿರುವ ಸನ್ ಗ್ಲಾಸ್ ಗಳು ದೊರೆಯುತ್ತದೆ.
ಇನ್ನೂ ಈ ಫ್ರೆಮ್ಲೇಸ್ ಸನ್ ಗ್ಲಾಸ್ ಗಳ ಬಗ್ಗೆ ಹೇಳೋದಾದರೆ, ಈ ರೀತಿಯ ಸನ್ ಗ್ಲಾಸ್ ಫೋಟೋ ಫೋಸ್ಗೆ ಅಷ್ಟೊಂದು ಲುಕ್ ನೀಡೋದಿಲ್ಲ. ಆದರೆ ಹಾಕಿಕೊಳ್ಳಲು ಸೂಕ್ತ.
ಈ ಸನ್ ಗ್ಲಾಸ್ ಗಳು ಇಷ್ಟೊಂದು ಪ್ರಚಲಿತದಲ್ಲಿದೆ ಎಂದರೆ ಇದಕ್ಕೆ ಮುಖ್ಯ ಕಾರಣ ಸೆಲೆಬ್ರೆಟಿಗಳು ಎಂದರೆ ತಪ್ಪಾಗಲಾರದು. ಅದರಲ್ಲೂ ಬಾಲಿವುಡ್ ಸಲೆಬ್ರೆಟಿಗಳು ಈ ಸನ್ ಗ್ಲಾಸ್ ಗಳನ್ನು ಹೆಚ್ಚು ಧರಿಸುತ್ತಾರೆ. ಸಾಮಾನ್ಯವಾಗಿ ಇಂದಿನ ಯುವ ಪೀಳಿಗೆ ಸೆಲೆಬ್ರೆಟಿಗಳ ಲೈಫ್ ಸ್ಟೈಲ್ ಗಳಿಗೆ ಹೆಚ್ಚು ಆಕರ್ಷಿತರಾಗುತ್ತಾರೆ. ಅವರ ಲೈಫ್ ಸ್ಟೈಲ್ ಗಳನ್ನು ಸಾಮಾನ್ಯರು ತಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಲು ಮುಂದಾಗುತ್ತಾರೆ. ಹಾಗಾಗಿ ಇನ್ನೂ ಈ ಸನ್ ಗ್ಲಾಸ್ ಗಳು ಟ್ರೆಂಡಿಂಗ್ ನಲ್ಲಿ ಓಡುತ್ತಿದೆ.