“ಕಾರಿಕಾ ಪಪ್ಪಾಯ” ಎಂದು ಕರೆಯಲ್ಪಡುವ ಪಪ್ಪಾಯ ಹಣ್ಣಿನಲ್ಲಿ ಹೆಚ್ಚಿನ ಪ್ರಮಾಣದ ಪೌಷ್ಟಿಕಾಂಶ ಹಾಗೂ ಔಷಧೀಯ ಗುಣ ಹೊಂದಿದ್ದು ವಾಣಿಜ್ಯ ಬೆಳೆಯ ಪ್ರಾಮುಖ್ಯತೆಯನ್ನು ಹೊಂದಿದೆ. ಪಪ್ಪಾಯ ಕೃಷಿ ದಕ್ಷಿಣ ಮೆಕ್ಸಿಕೋ ದಲ್ಲಿ ಈ ಹಣ್ಣಿನ ಮೂಲವನ್ನು ಹೊಂದಿದೆ. ಈ ಹಣ್ಣು ಇತರ ಹಣ್ಣು ಗಳಿಗೆ ಹೋಲಿಸಿದರೆ ಒಂದು ವರ್ಷದ ಅವಧಿಯಲ್ಲಿ ಅತಿ ಹೆಚ್ಚು ಹಣ್ಣುಗಳನ್ನು ಉತ್ಪಾದಿಸುತ್ತದೆ. ಗುಡ್ಡಗಾಡು ರಾಜ್ಯಗಳ ಪೈಕಿ ಮಿಜೋರಾಂ ಈ ಬೆಳೆಯಲ್ಲಿ ಹೆಚ್ಚಿನ ಪ್ರದೇಶವನ್ನು ಹೊಂದಿದೆ. ನಂತರದ ಸ್ಥಾನಗಳಲ್ಲಿ ತ್ರಿಪುರ ಹಾಗೂ ಮಣಿಪುರಗಳಿವೆ.
ಪಪ್ಪಾಯ ಹಣ್ಣನ್ನು ಭಾರತಕ್ಕೆ 16ನೆ ಶತಮಾನದಲ್ಲಿ ಪರಿಚಯಿಸಲಾಯಿತು. ಭಾರತವು ಪಪ್ಪಾಯ ಉತ್ಪಾದನೆಯಲ್ಲಿ ವಿಶ್ವದಲ್ಲಿ ಮುಂಚೂಣಿಯಲ್ಲಿದ್ದು, ವಾರ್ಷಿಕವಾಗಿ ಸುಮಾರು ೩ ಮಿಲಿಯನ್ ಟನ್ ಪಪ್ಪಾಯ ಉತ್ಪಾದನೆಯಾಗುತ್ತದೆ. ಭಾರತದ ಜೊತೆಗೆ ಇತರ ದೇಶಗಳಾದ ಬ್ರೆಜಿಲ್ , ನೈಜೀರಿಯಾ, ಪೆರು, ಥೈಲ್ಯಾಂಡ್, ಚೀನಾ ಇತ್ಯಾದಿ ದೇಶಗಳು ಪಪ್ಪಾಯಿ ಬೆಳೆಯನ್ನು ಬೆಳೆಯುತ್ತಿವೆ.
ಹವಾಮಾನದ ಅವಶ್ಯಕತೆ : ಪಪ್ಪಾಯ ಮೂಲತಃ ಉಷ್ಣವಲಯದ ಸಸ್ಯವಾಗಿದ್ದು, ಆದಾಗಿಯೂ ಉಪೋಷ್ಣವಲಯದ ಸಸ್ಯ ವಾಗಿಯೂ ಬೆಳೆಯುತ್ತಾರೆ. ಇದನ್ನು ಸಮುದ್ರ ಮಟ್ಟದಿಂದ 100 ಮೀಟರ್ ಎತ್ತರಕ್ಕೆ ಬೆಳೆಸಬಹುದು. ಪಪ್ಪಾಯ ಹಣ್ಣು ಮಾಗಿದ ಅವಧಿಯಲ್ಲಿ ಬೆಚ್ಚಗಿನ ಮತ್ತು ಶುಷ್ಕ ವಾತಾವರಣದ ಅಗತ್ಯವಿದೆ. ಈ ಗಿಡಗಳು ಕೋಮಲ ಮತ್ತು ಅಳವಿಲ್ಲದೆ ಬೇರೂರಿರುವ ಸಸ್ಯವಾಗಿರುವುದರಿಂದ ಇದು ಬಲವಾದ ಗಾಳಿಯನ್ನು ತಡೆದುಕೊಳ್ಳುವುದಿಲ್ಲ.
ಮಣ್ಣಿನ ಅವಶ್ಯಕತೆ : ಮರಳು, ಮತ್ತು ಜಿಗುಟಾದ ಅಥವಾ ಭಾರಿ ಜೇಡಿಮಣ್ಣಿನ ಮಣ್ಣು ಹೊರತುಪಡಿಸಿ ಪಪ್ಪಾಯಿಯನ್ನು ಹಲವು ರೀತಿಯ ಮಣ್ಣಿನಲ್ಲಿ ಬೆಳೆಸಬಹುದು. ಮಳೆಗಾಲದ ಸಮಯದಲ್ಲಿ ಗಿಡದ ಕೆಳಗೆ ಹೆಚ್ಚಿನ ನೀರು ನಿಲ್ಲದಂತೆ ಎಚ್ಚರಿಕೆ ವಹಿಸಬೇಕಾಗುತ್ತದೆ. ಒಂದು ವೇಳೆ ನೀರು ನಿಂತಲ್ಲಿ ಅದನ್ನು ಆ ಕೂಡಲೇ ಅಲ್ಲಿಂದ ನೀರನ್ನು ಖಾಲಿಮಾಡಬೇಕಾಗುತ್ತದೆ ಇಲ್ಲವಾದಲ್ಲಿ ಗಿಡದ ಬೇರುಗಳು ಕೊಳೆಯುವ ಸಾಧ್ಯತೆಗಳಿರುತ್ತದೆ.
ಅರೋಗ್ಯ ಪ್ರಯೋಜನಗಳು: ಪಪ್ಪಾಯದಲ್ಲಿ ಹೆಚ್ಚಿ ಪೌಷ್ಟಿಕಾಂಶಗಳು ಇರುವುದರಿಂದ ಇದು ದೇಹಕ್ಕೂ ಆರೋಗ್ಯಕ್ಕೂ ತುಂಬಾ ಉತ್ತವಾದ ಹಣ್ಣಾಗಿದೆ.
# ತೂಕನಷ್ಟಕ್ಕೆ ಸಹಾಯ ಮಾಡುತ್ತದೆ
# ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ
# ಪ್ಲೇಟ್ಲೆಟ್ ಸಂಖ್ಯೆಯನ್ನು ಹೆಚ್ಚಿಸುತ್ತದೆ
# ಹೃದಯ ಆರೋಗ್ಯವನ್ನು ಕಾಪಾಡುತ್ತದೆ
# ತ್ವಚೆಗೆ ಹೊಳಪನ್ನು ನೀಡುತ್ತದೆ
