ಮುಖದ ಹಲವಾರು ಸಮಸ್ಯೆಗಳಿಗೆ ರಾಮಬಾಣ ಮೆಂತ್ಯೆ ಬೀಜದ ಪೇಸ್ಟ್

ಅರಶಿನ ಹೇಗೆ ಸೌಂದರ್ಯ ವರ್ಧಕ ಗುಣ ಹೊಂದಿದೆಯೊ ಅದೇ ರೀತಿ ಮೆಂತ್ಯೆ ಬೀಜಗಳು ಕೂಡ ಸೌಂದರ್ಯವನ್ನು ವೃದ್ದಿಸಲು ಸಹಕಾರಿಯಾಗಿದೆ. ಮೆಂತ್ಯ ಬೀಜಗಳು ಹೊಳೆಯುವ ಕೂದಲು ಮತ್ತು ಚರ್ಮದ ಸಮಸ್ಯೆಗಳನ್ನು ಸುಧಾರಿಸಿ ಹೊಳಪನ್ನು ನೀಡಲು ಸಹಾಯ ಮಾಡುತ್ತದೆ. ಮೆಂತ್ಯ ಪೇಸ್ಟ್ ಮುಖಕ್ಕೆ ಚರ್ಮಕ್ಕೆ ಅನ್ವಯಿಸುವುದರಿಂದ ಯಾವುದೇ ರೀತಿಯ ಅಡ್ಡ ಪರಿಣಾಮಗಳಾಗುವುದಿಲ್ಲ.

ಮೆಂತ್ಯ ಬೀಜಗಳನ್ನು ಪೇಸ್ಟ್ ಮಾಡಿಕೊಳ್ಳಲು ಮೂದಲು ಮೆಂತ್ಯೆ ಬೀಜವನ್ನು ನೀರಿನಲ್ಲಿ ನೆನೆಸಿಡಿ. ನಂತರ ಆ ಪೇಸ್ಟನ್ನು ಚರ್ಮಕ್ಕೆ ಅನ್ವಯಿಸಿ. ಸುಮಾರು 20 ನಿಮಿಷಗಳ ನಂತರ ತಣ್ಣೀರಿನಲ್ಲಿ ತೊಳೆಯಿರಿ. ಇದನ್ನು ವಾರಕ್ಕೆ 3 ಬಾರಿಪುನರಾವರ್ತಿಸಿ. ಹೀಗೆ ಮಾಡುವುದರಿಂದ ಚರ್ಮದ ಕಾಂತಿ ಹೆಚ್ಚುತ್ತದೆ.

ಇನ್ನು ಈ ಮೆಂತ್ಯ ಫೇಸ್ಟ್ ಪ್ಯಾಕ್‌ ಚರ್ಮದ ಮೇಲಿ ಅನ್ವಯಿಸುದರಿಂದ ಕಪ್ಪು ಕಲೆಗಳು, ಕೊಳೆ, ಬ್ಯಾಕ್ಟೀರಿಯಾ ಇಂತಹ ಹಲವಾರು ಸಮಸ್ಯೆಗಳನ್ನು ನಿವಾರಿಸುತ್ತದೆ. ಹೀಗೆ ಇದು ಚರ್ಮದ ಮೇಲಿರುವ ಎಲ್ಲಾ ಕಲ್ಮಶಗಳಿಂದ ಮುಕ್ತಿ ದೊರೆಕಿಸಿ, ನೈಸರ್ಗಿಕವಾಗಿ ಹೊಳೆಯುವಂತೆ ಮಾಡುವ ಶಕ್ತಿ ಈ ಮೆಂತ್ಯೆ ಬೀಜಕ್ಕೆ ಇದೆ.

ಮೆಂತ್ಯ ಬೀಜಗಳು ನೈಸರ್ಗಿಕವಾಗಿ ನಿಮ್ಮ ಚರ್ಮಕ್ಕೆ ಹೊಳಪನ್ನು ನೀಡುತ್ತದೆ. ಏಕೆಂದರೆ ಇವುಗಳಲ್ಲಿ ವಿಟಮಿನ್ ಸಿ ಸಮೃದ್ಧವಾಗಿದೆ. ವಿಟಮಿನ್‌ ಸಿ ಚರ್ಮದ ಬಣ್ಣವನ್ನು ಹಗುರಗೊಳಿಸಿ, ಕಾಂತಿಯನ್ನು ನೀಡುತ್ತದೆ.

ಮೆಂತ್ಯ ಬೀಜಗಳನ್ನು ನೆನೆಸಲು ಬಳಸುವ ನೀರನ್ನು ಸ್ಕಿನ್ ಟೋನರ್ ಆಗಿಯೂ ಬಳಸಬಹುದು. ಸ್ಪ್ರೇ ಬಾಟಲಿಯಲ್ಲಿ ನೀರನ್ನು ಸಂಗ್ರಹಿಸಿ ಮತ್ತು ಮಾಯಿಶ್ಚರೈಸರ್ ಅನ್ನು ಅನ್ವಯಿಸುವ ಮೊದಲು ಮುಖಕ್ಕೆ ಸಿಂಪಡಿಸಿದರೆ ಒಳ್ಳೆ ರಿಸಲ್ಟ್ ನೀಡುತ್ತದೆ.

ನೆನೆಸಿದ ಮೆಂತ್ಯ ಬೀಜಗಳನ್ನು ಪುಡಿಮಾಡಿ ಅದನ್ನು ಮುಖಕ್ಕೆ ಸ್ಕ್ರಬ್ ಆಗಿ ಬಳಸಿದರೆ ಇದು ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕುತ್ತದೆ ಮತ್ತು ಹೆಚ್ಚುವರಿ ಎಣ್ಣೆಯನ್ನು ಕಡಿಮೆ ಮಾಡುತ್ತದೆ.

ಮೆಂತ್ಯೆ ಬೀಜವನ್ನು ಕುದಿಸಿದ ನೀರನ್ನು ಮುಖಕ್ಕೆ ಸಿಂಪಡಿಸುದರಿಂದ ಮೊಡವೆ ಸಮಸ್ಯೆಯಿಂದ ದೂರ ಉಳಿಯ ಬಹುದು.