ನಿಮಗಿದು ಗೊತ್ತೆ ಹುಲ್ಲು ಜೋಳದ ವಿಶೇಷತೆ

ಹುಲ್ಲು ಜೋಳವು ಭಾರತದಾದ್ಯಂತ ಬೆಳೆಯುವ ಮುಖ್ಯ ಬೆಳೆಯಲ್ಲಿ ಒಂದಾಗಿದೆ. ಹುಲ್ಲು ಜೋಳವು ಅಕ್ಕಿ ಗೋಧಿ, ಜೋಳ ಹಾಗೂ ಬಾರ್ಲಿಯ ನಂತರ ವಿಶ್ವದ 5ನೇ ಪ್ರಮುಖ ಏಕದಳ ಬೆಳೆಯಾಗಿದೆ. ಹುಲ್ಲುಜೋಳದ ಪೌಷ್ಟಿಕಾಂಶವು ಜೋಳದ ಪೌಷ್ಟಿಕಾಂಶದಂತೆಯೇ ಇದೆ.

ಹುಲ್ಲು ಜೋಳವು ಎಥನಾಲ್ ಉತ್ಪಾದನೆಗೆ ಬಳಸಲಾಗುತ್ತದೆ. ಜೊತೆಗೆ ಅಲ್ಕೋಹಾಲ್, ಪಿಷ್ಟ ಉತ್ಪಾದನೆ, ಅಂಟು ತಯಾರಿಕೆ ಕಾಗದ ಉತ್ಪಾದನೆ ಹಾಗೂ ಜಾನುವಾರುಗಳಿಗೆ ಆಹಾರವಾಗಿ ಬಳಕೆಯಾಗುತ್ತದೆ. ಇವುಗಳನ್ನು ಹಸಿರು ಮೇವು, ಒಣ ಮೇವು ಹಾಗೂ ಹುಲ್ಲು ಆಗಿ ಬಳಸಲಾಗುತ್ತದೆ.
ಭಾರತದಲ್ಲಿ ಹುಲ್ಲು ಜೋಳವನ್ನು ಉತ್ಪಾದಿಸುವ ರಾಜ್ಯಗಳೆಂದರೆ ಮಹಾರಾಷ್ಟ್ರ, ಕರ್ನಾಟಕ, ಮಧ್ಯಪ್ರದೇಶ, ತೆಲಂಗಾಣ, ತಮಿಳುನಾಡು, ಗುಜರಾತ್, ಯುಪಿ, ಹರಿಯಾಣ ಇತ್ಯಾದಿ.

ಹುಲ್ಲು ಜೋಳವು ಹುಲ್ಲಿನ ಕುಟುಂಬಕ್ಕೆ ಸೇರಿರುವಂತಹ ಧಾನ್ಯವಾಗಿದ್ದು.ಇದು ಪೋಶಕಾಂಶಗಳಿಂದ ಸಮೃದ್ಧವಾಗಿದೆ ಮತ್ತು ವೈವಿಧ್ಯತೆಯನ್ನು ಹೊಂದಿದೆ.

ಹುಲ್ಲು ಜೋಳದ ಬೇಸಾಯಕ್ಕೆ ಬೇಕಾದ ಹವಾಮಾನ

ಮೂಲತಹ ಹುಲ್ಲು ಜೋಳವು ಉಷ್ಣವಲಯದ ಬೆಳೆಯಾಗಿದೆ. ಇದು 25 ಡಿಗ್ರಿ ಯಿಂದ 32 ಡಿಗ್ರಿ ನಡುವಿನ ತಾಪಮಾನದಲ್ಲಿ ಚನ್ನಾಗಿ ಬೆಳೆಯುತ್ತದೆ. ಜೋಳಕ್ಕೆ ವಾರ್ಷಿಕವಾಗಿ 40 ಸೆಂಮೀ ಮಳೆಯ ಅಗತ್ಯವಿದೆ. ಜೋಳವು ತೀವ್ರ ಬರ ಸಹಿಷ್ಣು ಬೆಳೆಯಾಗಿದ್ದು ಒಣ ಪ್ರದೇಶಗಳಿಗೆ ಶಿಫಾರಸ್ಸು ಮಾಡಲಾಗಿದೆ.

ಆಹಾರ ಲಾಭಗಳು

ಜೋಳದ ಕೆಲವು ಮುಖ್ಯ ಆರೋಗ್ಯ ಲಾಭಗಳು

• ಹುಲ್ಲುಜೋಳವು ಕ್ಯಾಲ್ಸಿಯಂ, ಕಬ್ಬಿಣ, ಪೊಟ್ಯಾಸಿಯಂ, ರಂಜಕ, ಪ್ರೋಟಿನ್ ಹಾಗೂ ನಾರಿನಿಂದ ತುಂಬಿದೆ.

• ಹುಲ್ಲು ಜೋಳವು ಹೃದಯಕ್ಕೆ ಆರೋಗ್ಯಕಾರಿ ಎಂದು ತಿಳಿದು ಬಂದಿದೆ. ಜೋಳದ ರೊಟ್ಟಿ ಯನ್ನು ಅದರ ಆರೋಗ್ಯ ಪ್ರಯೋಜನಗಳಿಗಾಗಿ ಭಾರತದಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ.

• ಜೋಳವು ದೇಹದ ತೋಕ ಇಳಿಸಲು ಸಹಾಯ ಮಾಡುತ್ತದೆ.

ಹುಲ್ಲು ಜೋಳವನ್ನು ವೈವಿಧ್ಯಮಯವಾಗಿ ಬಳಸಿಕೊಳ್ಳಬಹುದು ನೀವು ಅನ್ನದ ಬದಲಿಗೆ ಇದನ್ನು ಬಳಸಬಹುದು. ಇದನ್ನು ತರಕಾರಿಗಳೊಂದಿಗೆ ಬೇಯಿಸಿ ಆರೋಗ್ಯಕರವಾದ ಆಹಾರವನ್ನು ಸವಿಯಬಹುದು.