ಉಡುಪಿ: ಪಾರ್ಟ್ ಟೈಂ ಉದ್ಯೋಗದ ಆಮಿಷಕ್ಕೆ ಒಳಗಾದ ವ್ಯಕ್ತಿಯೊಬ್ಬರು 52,13,359 ರೂ.ಗಳನ್ನು ಕಳೆದುಕೊಂಡಿದ್ದಾನೆ.
ದೂರುದಾರ ರಾಘವೇಂದ್ರ ಅವರಿಗೆ ವಾಟ್ಸ್ಆ್ಯಪ್ನಲ್ಲಿ ಅಪರಿಚಿತರು ಪಾರ್ಟ್ಟೈಮ್ ಉದ್ಯೋಗ ನೀಡುವುದಾಗಿ ಭರವಸೆ ನೀಡಿದ್ದರು. ಅದಕ್ಕಾಗಿ ಟಾಸ್ಕ್ ವೊಂದನ್ನು ವಂಚಕರು ನೀಡಿದ್ದು ಅದರಂತೆ ರಾಘವೇಂದ್ರ ಅವರು ಆಗಸ್ಟ್ 3 ರಿಂದ ಸೆಪ್ಟೆಂಬರ್ 23 ರ ನಡುವೆ ಒಟ್ಟು 52,13,359 ರೂ.ಗಳನ್ನು ಕಳುಹಿಸಿದ್ದರು. ಆದರೆ, ಟಾಸ್ಕ್ ಮುಗಿದ ನಂತರವೂ ಆರೋಪಿಗಳು ಹಣವನ್ನು ಹಿಂದಿರುಗಿಸಲಿಲ್ಲ. ಇದೀಗ ರಾಘವೇಂದ್ರ ಅವರ ದೂರಿನಂತೆ ಸಿಇಎನ್ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.