ಹೀರೆಕಾಯಿ ಎಂದಾಗ ಎಲ್ಲರೂ ಮೂಗು ಮುರಿಯುವವರೇ ಹೆಚ್ಚು. ಈ ಹೀರೆಕಾಯಿಯಲ್ಲಿ ಇವತ್ತು ಬಜ್ಜಿಯೊಂದನ್ನು ಮಾಡುವುದನ್ನು ಹೇಗೆ ಎಂದು ನೋಡೋಣ. ಹೀರೆಕಾಯಿ ಬಜ್ಜಿ ಮಾಡುವ ಸುಲಭ ವಿಧಾನ ಇಲ್ಲಿದೆ.
ಬೇಕಾಗುವ ಪದಾರ್ಥಗಳು
- ಹೀರೆಕಾಯಿ 1
- ಕಡಲೆ ಹಿಟ್ಟು 1 ಬಟ್ಟಲು
- ಅಕ್ಕಿಹಿಟ್ಟು- ಎರಡು ಚಮಚ
- ಉಪ್ಪು- ರುಚಿಗೆ ತಕ್ಕಷ್ಟು
- ಅರಿಶಿಣದ ಪುಡಿ- ಸ್ವಲ್ಪ
- ಅಚ್ಚಖಾರದ ಪುಡಿ- ಒಂದು ಚಿಕ್ಕ ಚಮಚ
- ಎಣ್ಣೆ- ಕರಿಯಲು ಅಗತ್ಯವಿದ್ದಷ್ಟು
ಮಾಡುವ ವಿಧಾನ: ಕಡಲೆ ಹಿಟ್ಟು, ಅಕ್ಕಿಹಿಟ್ಟು, ಅಚ್ಚಖಾರದಪುಡಿ, ಅರಿಶಿನದ ಪುಡಿ ಹಾಗೂ ಉಪ್ಪು ಇವುಗಳನ್ನು ಸ್ವಬೆರೆಸಿಕೊಂಡು ಬಜ್ಜಿ ಹಿಟ್ಟಿನ ಹದಕ್ಕೆ ಕಲೆಸಿಟ್ಟು ಕೊಳ್ಳಿ.
ಹೀರೆಕಾಯಿಯ ಸಿಪ್ಪೆ ತೆಗೆದು ತೆಳ್ಳನೆಯ ಬಿಲ್ಲೆಗಳಾಗಿ ಕತ್ತರಿಸಿಕೊಳ್ಳಿ. ನಂತರ ಒಲೆಯ ಮೇಲೆ ಬಾಣಲೆ ಇಟ್ಟು ಎಣ್ಣೆ ಹಾಕಿ ಬಳಿಕ ಸಣ್ಣಗೆ ಕತ್ತರಿಸಿಕೊಂಡ ಹೀರೆಕಾಯಿಯನ್ನು ಹಿಟ್ಟಿನಲ್ಲಿ ಒಂದೊಂದಾಗಿ ಅದ್ದಿ ತೆಗೆದು ಎಣ್ಣೆಯಲ್ಲಿ ಕರಿಯಿರಿ. ಇದೀಗ ರುಚಿಕರವಾದ ಹೀರೆಕಾಯಿ ಬಜ್ಜಿ ಸವಿಯಲು ಸಿದ್ಧ.