ಮನೆಯಲ್ಲೇ ತಯಾರಾಗುತ್ತೆ ಸ್ವಾದಿಷ್ಟ ಚಿಕನ್ ಬರ್ಗರ್

ಬರ್ಗರ್ ಯಾರಿಗೆ ಇಷ್ಟ ಇಲ್ಲ ಹೇಳಿ. ಅದು ವೆಜ್ ಆಗಿರಲಿ ಅಥವಾ ನಾನ್ ವೆಜ್ ಆಗಿರಲಿ ಸಣ್ಣ ಸಣ್ಣ ಮಕ್ಕಳಿಂದ ಹಿಡಿದು ಹಣ್ಣು ಹಣ್ಣು ಮುದುಕರವರೆಗೂ ಬರ್ಗರ್ ತಿನ್ನಬೇಕೆಂಬ ಆಸೆ ಎಲ್ಲರಿಗೂ ಇರುತ್ತದೆ. ಹಾಗಂತ ಹೇಳಿ ಅಂಗಡಿಯಿಂದ ತಿನ್ನುವುದು ನಮ್ಮ ಆರೋಗ್ಯಕ್ಕೆ ಉತ್ತಮವಲ್ಲ. ಸುಲಭವಾಗಿ ಮನೆಯಲ್ಲೇ ಚಿಕನ್ ಬರ್ಗರ್ ಮಾಡುವುದು ಹೇಗೆ ಎಂದು ನೋಡೋಣ.

ಬೇಕಾಗುವ ಸಾಮಗ್ರಿಗಳು:
ಚಿಕನ್ ಖೀಮಾ – 100 ಗ್ರಾಂ
ಬರ್ಗರ್ ಬನ್ – 4
ಬ್ರೆಡ್ ಕ್ರಂಬ್ಸ್ – 1 ಕಪ್
ಬೆಳ್ಳುಳ್ಳಿ ಪೇಸ್ಟ್ – ಅರ್ಧ ಚಮಚ
ವೃತ್ತಾಕಾರದಲ್ಲಿ ಹೆಚ್ಚಿದ ಟೊಮೆಟೋ – 2
ವೃತ್ತಾಕಾರದಲ್ಲಿ ಹೆಚ್ಚಿದ ಈರುಳ್ಳಿ – 2 (ಒಂದನ್ನು ಸಣ್ಣದಾಗಿ ಹೆಚ್ಚಿಕೊಳ್ಳಿ)
ಮಯೋನೀಸ್ – 2 ಚಮಚ
ಬೆಣ್ಣೆ – 2 ಚಮಚಮ
ಟೊಮೆಟೋ ಕೆಚಪ್ – 1 ಕಪ್
ಚೀಸ್ – 4
ಎಣ್ಣೆ – 2 ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು
ಕಾಳುಮೆಣಸಿನ ಪುಡಿ – ಅರ್ಧ ಚಮಚ
ಕೊತ್ತಂಬರಿ ಪುಡಿ – 1 ಚಮಚ

ಮಾಡುವ ವಿಧಾನ:

ಒಂದು ಪಾನ್ ನಲ್ಲಿ  ಚಿಕನ್ ಖೀಮಾ ಮತ್ತು ಬ್ರೆಡ್ ಟೋಸ್ಟ್ ಪುಡಿ, ಬೆಳ್ಳುಳ್ಳಿ ಪೇಸ್ಟ್, ಉಪ್ಪು, ಕಾಳುಮೆಣಸಿನ ಪುಡಿ, ಹೆಚ್ಚಿದ ಈರುಳ್ಳಿ, ಕೊತ್ತೊಂಬರಿ ಪುಡಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ.  ನಾಲ್ಕು ಪಾಲು ಮಾಡಿ ಟಿಕ್ಕಿಯ ಆಕಾರ ಕೊಟ್ಟು ದಪ್ಪ ತಳದ ಬಾಣಲೆಯೊಂದರಲ್ಲಿ ಎಣ್ಣೆ ಹಾಕಿ ಮಧ್ಯಮ ಉರಿಯಲ್ಲಿ ಈ ಟಿಕ್ಕಿಗಳನ್ನ ಎರಡು ಬದಿ ಕಂದು ಬಣ್ಣ ಬರುವವರೆಗೆ ಬೇಯಿಸಬೇಕು.

ನಂತರ ಈಗ ಸಾಸ್ ತಯಾರಿಸಲು ಮಯೋನಿಸ್ ಮತ್ತು ಟೊಮೆಟೊ ಕೆಚಪ್ ಅನ್ನ ಒಂದು ಬೌಲ್ ಗೆ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ. ಈಗ ಬನ್ ಗಳನ್ನ ಕತ್ತರಿಸಿ ಒಳಭಾಗಕ್ಕೆ ಬೆಣ್ಣೆ ಹಚ್ಚಿ ಕಾವಲಿಯ ಮೇಲೆ ಚಿಕ್ಕ ಉರಿಯಲ್ಲಿ ಬಿಸಿ ಮಾಡಿ.

ಬನ್ಗಳು ಗೋಲ್ಡನ್ ಬ್ರೌನ್ ಬಣ್ಣ ಬಂದ ನಂತರ ಅದಕ್ಕೆ ಟೊಮೆಟೊ ಕೆಚಪ್ ಮತ್ತೆ ಮೆಯೋನಿಸ್ ಮಿಶ್ರಣವನ್ನು ಹಚ್ಚಿ ಈ ಕತ್ತರಿಸಿದ ಈರುಳ್ಳಿ ಟೊಮೆಟೊ ಹಾಗೂ ಚೀಸ್ ಅನ್ನು ಹರಡಿ ಅದರ ಮೇಲೆ ಚಿಕನ್ ಟಿಕ್ಕಿಯನ್ನು ಇಟ್ಟು ಇನ್ನೊಂದು ಬಂನಿಂದ ಮುಚ್ಚಿದರೆ ರುಚಿರುಚಿಯಾದ ಚಿಕನ್ ಬರ್ಗರ್ ಸವಿಯಲು ಸಿದ್ಧ