ಸಾಮಾನ್ಯವಾಗಿ ಹೆಚ್ಚಿನವರು ಖಾರವಾಗಿರುವ ಆಹಾರ ಪದಾರ್ಥವನ್ನು ಇಷ್ಟಪಡುತ್ತಾರೆ. ಅದರಲ್ಲೂ ಮೊಟ್ಟೆ ಮತ್ತು ಮಾಂಸದ ಅಡುಗೆಗಳು ಖಾರವಾಗಿದ್ದಷ್ಟು ಮಜಾ ಜಾಸ್ತಿ. ಹೀಗಾಗಿ ಸ್ಪೈಸಿ ಎಗ್ ಫ್ರೈ ಮಾಡಿದರೆ ಅದರ ಮಜಾವೇ ಮಜಾ.
ಸ್ಪೈಸಿ ಎಗ್ ಫ್ರೈ ಮಾಡಲು ಬೇಕಾಗುವ ಪದಾರ್ಥಗಳು
ಮೊಟ್ಟೆ- ನಾಲ್ಕು
ಎಣ್ಣೆ- ಒಂದೆರಡು ಚಮಚ
ಈರುಳ್ಳಿ- ಒಂದು
ಬೆಳ್ಳುಳ್ಳಿ, ಶುಂಠಿ ಪೇಸ್ಟ್- ಅರ್ಧ ಚಮಚ
ಕೊತ್ತಂಬರಿ ಸೊಪ್ಪು- ಸ್ವಲ್ಪ
ಉಪ್ಪು- ರುಚಿಗೆ ತಕ್ಕಷ್ಟು
ಹಸಿಮೆಣಸು- ನಾಲ್ಕು
ನಿಂಬೆರಸ- ಎರಡು ಟೀ ಚಮಚ
ಮಾಡುವ ವಿಧಾನ ಹೀಗಿದೆ.
ಮೊದಲಿಗೆ ಮೊಟ್ಟೆಯನ್ನು ಚೆನ್ನಾಗಿ ಬೇಯಿಸಿಕೊಂಡು ಅದರ ಸಿಪ್ಪೆ ತೆಗೆದು ಎರಡು ಭಾಗ ಮಾಡಿಟ್ಟುಕೊಳ್ಳಬೇಕು. ಹಸಿಮೆಣಸನ್ನು ಚೆನ್ನಾಗಿ ಜಜ್ಜಿಟ್ಟುಕ್ಳೊಂಡು, ಈರುಳ್ಳಿಯನ್ನು ಚಿಕ್ಕದಾಗಿ ಹಚ್ಚಿಟ್ಟುಕೊಳ್ಳಬೇಕು. ಕೊತ್ತಂಬರಿ ಸೊಪ್ಪನ್ನು ಕೂಡ ಚಿಕ್ಕದಾಗಿ ಹಚ್ಚಿಕೊಳ್ಳಿ.
ಆ ನಂತರ ಒಂದು ಪಾತ್ರೆಯಲ್ಲಿ ಎಣ್ಣೆ ಹಾಕಿ ಕಾಯಿಸಿ ಅದಕ್ಕೆ ಹಚ್ಚಿಟ್ಟ ಈರುಳ್ಳಿ ಹಾಕಿ ಚೆನ್ನಾಗಿ ಹುರಿಯಬೇಕು. ಅದು ಕಂದು ಬಣ್ಣಕ್ಕೆ ತಿರುಗಿದ ಬಳಿಕ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ ತಿರುಗಿಸಿ ನಂತರ ಕೊತ್ತಂಬರಿ ಮತ್ತು ಜಜ್ಜಿದ ಮೆಣಸನ್ನು ಹಾಕಿ ಚೆನ್ನಾಗಿ ಕಲಸಿ ಆ ನಂತರ ಮೊಟ್ಟೆಯನ್ನು ಹಾಕಿ ತಿರುವಿ. ಬಳಿಕ ಉಪ್ಪು, ನಿಂಬೆ ರಸ ಹಾಕಿ ಮಿಕ್ಸ್ ಮಾಡಿ ಇಳಿಸಿದರೆ ಸ್ಪೈಸಿ ಎಗ್ ಫ್ರೈ ಸಿದ್ಧವಾದಂತೆಯೇ…