ಆರೋಗ್ಯಕರ ರವೆ ರೊಟ್ಟಿ ಮಾಡುವ ಸುಲಭ ವಿಧಾನ

ಕರ್ನಾಟಕದ ವಿಶಿಷ್ಟ ಹಾಗೂ ಆರೋಗ್ಯಕರ ತಿಂಡಿಗಳಲ್ಲಿ ರೊಟ್ಟಿಗೆ ವಿಶೇಷ ಸ್ಥಾನವಿದೆ. ಆರೋಗ್ಯದ ದೃಷ್ಟಿಯಿಂದ ರೊಟಿಗಳನ್ನು ಹೆಚ್ಚಿನ ಜನ ಇಷ್ಟ ಪಡುತ್ತಾರೆ. ಈ ರೊಟಿಗಳಲ್ಲಿ ಹಲವಾರು ಬಗೆಗಳಿವೆ ಅವುಗಳಲ್ಲಿ ಅಕ್ಕಿ ರೊಟ್ಟಿ, ರಾಗಿ ರೊಟ್ಟಿ, ಗೋಧಿ ರೊಟ್ಟಿ, ರವೆ ರೊಟ್ಟಿ ಹೀಗೆ ಹತ್ತು ಹಲವು ವಿಧಗಳು ಕಾಣಸಿಗುತ್ತವೆ. ಸುಲಭವಾಗಿ ಮಾಡುವ ರವೆ ರೊಟ್ಟಿಯನ್ನ ಇಲ್ಲಿದೆ..

ಬೇಕಾಗುವ ಪದಾರ್ಥಗಳು :

• ರವೆ – 3 ಕಪ್ಪ್

• ಮೊಸರು – 1 ಕಪ್ಪ್

• ಬಾಳೆಹಣ್ಣು – 2

• ಹಸಿಮೆಣಸಿನಕಾಯಿ – 4

• ಈರುಳ್ಳಿ – 2

• ಸಕ್ಕರೆ – 2 ಚಮಚ

• ಸ್ವಲ್ಪ ಹಸಿ ಶುಂಠಿ

• ಸ್ವಲ್ಪ ತುಪ್ಪ

• ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ :

ಮೊದಲಿಗೆ ರವೆ, ಮೊಸರು ಹಾಗೂ ಬೇಕಾದಷ್ಟು ನೀರನ್ನು ಹಾಕಿ ಅರ್ಧ ಗಂಟೆಗಳ ಕಾಲ ನೆನೆಸಿಡಬೇಕು. ನಂತರ ಉಪ್ಪು ಸಕ್ಕರೆ ಹಾಕಿ, ನೀರುಳ್ಳಿ ಹಸಿ ಮೆಣಸಿನಕಾಯಿ, ಹಸಿಶುಂಠಿ, ಬಾಳೆಹಣ್ಣು ಹೆಚ್ಚಿ ರವೆ ಮಿಶ್ರಣಕ್ಕೆ ಸೇರಿಸಿಕೊಳ್ಳಬೇಕು. ಒಲೆಯ ಮೇಲೆ ಕಾವಲಿ ಇಟ್ಟು ಕಾದ ಕಾವಲಿಗೆ ತುಪ್ಪ ಸವರಿ, ರವೆಯ ಮಿಶ್ರಣವನ್ನು ಕಾವಲಿಯ ಮೇಲೆ ಹರಡಿ ಸ್ವಲ್ಪ ಹೊತ್ತು ಮುಚ್ಚಿಡಬೇಕು. ಒಂದು ಬದಿ ಬೆಂದ ನಂತರ ಮತ್ತೆ ಸ್ವಲ್ಪ ತುಪ್ಪ ಹಾಕಿ ಇನ್ನೊಂದು ಬದಿ ಕೆಂಪಗಾಗುವವರೆಗೂ ಬೇಯಿಸಬೇಕು.