ಮಿಕ್ಸ್ ಫ್ರೂಟ್ ಜ್ಯೂಸ್ ಆರೋಗ್ಯಕ್ಕೆ ಸಹಕಾರಿ

ಬೇಸಿಗೆಯ ದಿನಗಳಲ್ಲಿ ಹಣ್ಣುಗಳಿಂದ ತಯಾರಿಸಿದ ಜ್ಯೂಸ್‌ನ್ನು ಕುಡಿಯುವುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದು. ಅದರಲ್ಲೂ ಎಲ್ಲ ಹಣ್ಣುಗಳನ್ನು ಸೇರಿಸಿ ಮಿಕ್ಸ್ ಫ್ರೂಟ್ ಜ್ಯೂಸ್ ತಯಾರಿಸಿ ಬೇವಿಸಿದರೆ ಇನ್ನಷ್ಟು ಉತ್ತಮ.

ಬೇಕಾಗುವ ಹಣ್ಣುಗಳು: ಸಪೋಟ, ಕಿತ್ತಳೆಹಣ್ಣು, ಕಲ್ಲಂಗಡಿ ಸೇರಿಸಿ ಒಂದು ಬಟ್ಟಲು, ಉಪ್ಪು- ಚಿಟಿಕೆಯಷ್ಟು,  ಕಲ್ಲುಸಕ್ಕರೆ- ಒಂದು ಚಮಚ, ಕಾಳು ಮೆಣಸು- ಚಿಟಿಕಿಯಷ್ಟು, ಏಲಕ್ಕಿ- ಒಂದು

ಜ್ಯೂಸ್ ತಯಾರಿ ಹೀಗೆ: ಮೊದಲಿಗೆ ಹಣ್ಣುಗಳನ್ನು ಚೆನ್ನಾಗಿ ತೊಳೆದು ಅದರಲ್ಲಿರುವ ಬೀಜನಗಳು ತೆಗೆದು ಪ್ರತ್ಯೇಕ ಬಟ್ಟಲಲ್ಲಿ ಹಾಕಿಟ್ಟು ಕೊಳ್ಳಬೇಕು. ನಂತರ ಒಂದು ಲೋಟವನ್ನು ತೆಗೆದುಕೊಂಡು ಅದಕ್ಕೆ ಮೊದಲಿಗೆ ಸಪೋಟವನ್ನು ಮಿಕ್ಸಿ ಮಾಡಿ  ಸುರಿಯಬೇಕು, ನಂತರ ಕಿತ್ತಳೆಯನ್ನು ಮಿಕ್ಸಿ ಮಾಡಿ ಸಪೋಟದ ಮೇಲೆ ಸುರಿಯಬೇಕು, ಇದಾದ ನಂತರ ಕಲ್ಲಂಗಡಿಯನ್ನು ಮಿಕ್ಸಿಗೆ ಹಾಕಿ ಅದರೊಂದಿಗೆ ಉಪ್ಪು, ಕಲ್ಲುಸಕ್ಕರೆ, ಏಲಕ್ಕಿಯನ್ನು ಹಾಕಿ ಚೆನ್ನಾಗಿ ಮಿಕ್ಸಿ ಮಾಡಿ ನಂತರ ಅದೇ ಲೋಟಕ್ಕೆ ಸುರಿಯಬೇಕು. ನಂತರ ಸೇವಿಸಿದರೆ ರುಚಿಕರವಾಗಿರುತ್ತದೆ.