ಚೆನ್ನೈ: ವಿಶ್ವದಾದ್ಯಂತ ಗಲ್ಲಾಪೆಟ್ಟಿಗೆಯಲ್ಲಿ 400 ಕೋಟಿ ರೂ.ಗಳನ್ನು ಗಳಿಸಿದ ನಂತರವೂ ಇನ್ನೂ ಬಲವಾಗಿ ಮುಂದುವರಿಯುತ್ತಿರುವ ಕಮಲ್ ಹಾಸನ್ ಅಭಿನಯದ ‘ವಿಕ್ರಮ್’ ಜುಲೈ 8 ರಂದು ಡಿಸ್ನಿ + ಹಾಟ್ ಸ್ಟಾರ್ ನಲ್ಲಿ ವಿಶ್ವದಾದ್ಯಂತದ ಒಟಿಟಿ ನಲ್ಲಿ ಪ್ರಥಮ ಪ್ರದರ್ಶನವನ್ನು ನೀಡಲಿದೆ.
ಜನರಿಂದ ಪ್ರಶಂಸೆಗಳ ಸುರಿಮಳೆಗೈದ ‘ವಿಕ್ರಮ್’ ಗಮನ ಸೆಳೆಯುತ್ತಲೇ ಇದೆ. ಈ ಚಲನಚಿತ್ರವು ಭಾರತೀಯ ವಾಣಿಜ್ಯ ವಲಯಗಳನ್ನು ಮಾತ್ರ ಪ್ರಭಾವಿಸಿಲ್ಲ, ಅಂತರರಾಷ್ಟ್ರೀಯ ಮಾರುಕಟ್ಟೆಗಳನ್ನು ಸಹ ಬೆರಗುಗೊಳಿಸಿದೆ.
ಲೋಕೇಶ್ ಕನಗರಾಜ್ ಬರೆದು ನಿರ್ದೇಶಿಸಿರುವ ಕಮಲ್ ಹಾಸನ್-ವಿಜಯ್ ಸೇತುಪತಿ-ಫಹಾದ್ ಫಾಸಿಲ್-ಸೂರ್ಯ ಅಭಿನಯದ ಈ ಚಿತ್ರ ಜೂನ್ 3, 2022 ರಂದು ವಿಶ್ವದಾದ್ಯಂತ ತೆರೆಕಂಡಿತ್ತು.
ಚಲನಚಿತ್ರವು ಬ್ಲಾಕ್ಬಸ್ಟರ್ ಓಪನಿಂಗ್ ಹೊಂದಿದ್ದು ಬಿಡುಗಡೆಯಾದ ಮೂರರಿಂದ ನಾಲ್ಕು ವಾರಗಳ ನಂತರವೂ ಪೂರ್ಣ ಪ್ರದರ್ಶನ ಮುಂದುವರಿದಿತ್ತು.
‘ವಿಕ್ರಮ್’ ಹಲವಾರು ಗಲ್ಲಾಪೆಟ್ಟಿಗೆ ದಾಖಲೆಗಳನ್ನು ಮುರಿದಿದೆ ಮತ್ತು ಅಧಿಕೃತವಾಗಿ ತಮಿಳುನಾಡಿನ ನಂಬರ್ ಒನ್ ಟಾಪ್ ಗಳಿಕೆಯ ಮೊದಲ ಸ್ಥಾನದಲ್ಲಿದೆ. ಇದು ನಿರ್ಮಾಪಕರು, ವಿತರಕರು ಮತ್ತು ಪ್ರದರ್ಶಕರಿಂದ ದೃಢೀಕರಿಸಲ್ಪಟ್ಟ ಸತ್ಯವಾಗಿದೆ.
ಈಗ, ಈ ಚಲನಚಿತ್ರವು ಜುಲೈ 8 ರಿಂದ ಡಿಸ್ನಿ + ಹಾಟ್ ಸ್ಟಾರ್ ನಲ್ಲಿ ವಿಶ್ವದಾದ್ಯಂತದ ಒಟಿಟಿ ಪ್ರಥಮ ಪ್ರದರ್ಶನವನ್ನು ನೀಡಲಿದೆ. ಈ ಚಿತ್ರವು ಜುಲೈ ೮ ರಿಂದ ತಮಿಳು, ತೆಲುಗು ಮತ್ತು ಹಿಂದಿಯಲ್ಲಿ ಲಭ್ಯವಿರುತ್ತದೆ.
