ಸ್ಯಾಂಟಿಯಾಗೊ: ಚಿಲಿಯ ಮೆಟ್ರೋಪಾಲಿಟನ್ ಪ್ರದೇಶದಲ್ಲಿ ಕಾಡ್ಗಿಚ್ಚು ಸಂಭವಿಸಿದ್ದು, ಕನಿಷ್ಠ 659 ಹೆಕ್ಟೇರ್ ಭೂಮಿಯನ್ನು ನಾಶವಾಗಿದೆ. ಒಬ್ಬ ವ್ಯಕ್ತಿ ಮೃತಪಟ್ಟು, ಐದು ಜನರು ಗಾಯಗೊಂಡಿದ್ದಾರೆ ಮತ್ತು 46 ಮನೆಗಳು ನಾಶವಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ರಾಜಧಾನಿ ಸ್ಯಾಂಟಿಯಾಗೋದಿಂದ ನೈರುತ್ಯಕ್ಕೆ 70 ಕಿ.ಮೀ ದೂರದಲ್ಲಿರುವ ಮೆಲಿಪಿಲ್ಲಾ ಕಮ್ಯೂನ್ ಎಂಬ ಗ್ರಾಮೀಣ ಪಟ್ಟಣದಲ್ಲಿ ಡಿಸೆಂಬರ್ 11 ರಂದು ಬೆಂಕಿ ಪತ್ತೆಯಾಗಿದ್ದು, ಅದನ್ನು ನಂದಿಸುವ ಪ್ರಯತ್ನಗಳ ಹೊರತಾಗಿಯೂ ಉರಿಯುತ್ತಲೇ ಇದೆ ಎಂದು ಆಂತರಿಕ ಮತ್ತು ಸಾರ್ವಜನಿಕ ಭದ್ರತಾ ಸಚಿವಾಲಯದ ರಾಷ್ಟ್ರೀಯ ತುರ್ತು ಕಚೇರಿ (ಒನ್ಮಿ) ತಿಳಿಸಿದೆ ಎಂದು ಮಾಧ್ಯಮಗಳು ವರದಿ ಮಾಡಿದೆ.
ಸುಮಾರು ೧೮೪ ಜನರು ಬೆಂಕಿಯಿಂದ ನಿರಾಶ್ರಿತರಾಗಿದ್ದಾರೆ.
ಗಾಯಗೊಂಡವರಲ್ಲಿ 67 ವರ್ಷದ ಮಹಿಳೆ ಕೂಡ ಒಬ್ಬರಾಗಿದ್ದು, ಅವರ ದೇಹದ ಶೇಕಡಾ 11 ರಷ್ಟು ಸುಟ್ಟಗಾಯಗಳಾಗಿವೆ ಎಂದು ವೈದ್ಯಕೀಯ ಅಧಿಕಾರಿಗಳು ಸ್ಥಳೀಯ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಕೃಷಿ ಸಚಿವ ಎಸ್ಟೆಬಾನ್ ವಲೆನ್ಜುವೆಲಾ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, ದೇಶದಲ್ಲಿ ಶೇಕಡಾ 52 ರಷ್ಟು ಬೆಂಕಿಗಳು ನಿರ್ಲಕ್ಷ್ಯ ಅಥವಾ ಅಪಘಾತಗಳಿಂದ ಉಂಟಾಗುತ್ತವೆ, ಶೇಕಡಾ 12 ರಷ್ಟು ಅನಿರ್ದಿಷ್ಟ ಮೂಲದ್ದಾಗಿವೆ ಮತ್ತು ಕೇವಲ 1 ಪ್ರತಿಶತದಷ್ಟು ಮಾತ್ರ ಸ್ವಾಭಾವಿಕವಾಗಿ ಸಂಭವಿಸುತ್ತವೆ ಎಂದು ಹೇಳಿದರು.
35 ರಷ್ಟು ಬೆಂಕಿ ಉದ್ದೇಶಪೂರ್ವಕವಾಗಿ ಪ್ರಾರಂಭವಾಗಿದೆ ಎಂದು ಅವರು ವಿಷಾದಿಸಿದರು.