ಭಾರತದ ಬಿಲಿಯನೇರ್ ಉದ್ಯಮಿ ಮುಖೇಶ್ ಅಂಬಾನಿ, ಶ್ರೀಮಂತ ಭಾರತವನ್ನು ಆಳಿದ ಬ್ರಿಟೀಷ್ ರಾಜಮನೆತನದ ಐಶಾರಾಮಿ ಆಸ್ತಿ, ಬ್ರಿಟನ್‌ನ ಮೊದಲ ಕಂಟ್ರಿ ಕ್ಲಬ್ ಅನ್ನು ಖರೀದಿ ಮಾಡಿದ್ದಾರೆ. ಬಕಿಂಗ್‌ಹ್ಯಾಮ್‌ ಶೈರ್ ಮೂಲದ ಸ್ಟೋಕ್ ಪಾರ್ಕ್ ಕಂಟ್ರಿ ಕ್ಲಬ್‌ನ ಮಾಲೀಕರಾಗಿದ್ದಾರೆ.
ಉದ್ಯಮಿ ಅಂಬಾನಿ ಅವರು ಬಕಿಂಗ್‌ಹ್ಯಾಮ್‌ ಶೈರ್ ಮೂಲದ ಸ್ಟೋಕ್ ಪಾರ್ಕ್ ಕಂಟ್ರಿ ಕ್ಲಬ್‌ನ ಮಾಲೀಕರಾಗಿದ್ದಾರೆ, ಇದರ ಮೌಲ್ಯ 592 ಕೋಟಿ ರೂ.
ಮುಖೇಶ್ ಅಂಬಾನಿ ಅವರು ಇತ್ತೀಚೆಗೆ ಐಷಾರಾಮಿ ಆಸ್ತಿಗಳನ್ನು ನಿರ್ವಹಣೆ ಮಾಡಲು ಉದ್ಯಮಿ ವಿಕ್ರಮ್ ಒಬೆರಾಯ್ ಅವರೊಂದಿಗೆ ಪಾಲುದಾರರಾಗಿದ್ದಾರೆ. ಈ ದುಬಾರಿ ಕಂಟ್ರಿ ಕ್ಲಬ್‌ನಲ್ಲಿ 300 ಎಕರೆಗಳಷ್ಟು ವಿಸ್ತಾರದಲ್ಲಿದ್ದು ಇಲ್ಲಿ ಐಶಾರಾಮಿ ಪರಿಕರಗಳು, ಸುಂದರವಾದ ಉದ್ಯಾನಗಳು, ಮ್ಯೂಸಿಯಂ ಮತ್ತು ಸರೋವರಗಳಿವೆ.
ಇಲ್ಲಿ ಸಿಗುವ ಸೌಕರ್ಯಗಳ ಕಾರಣದಿಂದಾಗಿ, ಮುಖೇಶ್ ಅಂಬಾನಿಯವರ ಸ್ಟೋಕ್ ಪಾರ್ಕ್ ಕಂಟ್ರಿ ಕ್ಲಬ್ ಯುರೋಪ್‌ನಾದ್ಯಂತ ಅತ್ಯಂತ ಪ್ರಸಿದ್ಧ ಮತ್ತು ವಿಶೇಷವಾದ ಹೋಟೆಲ್‌ಗಳಲ್ಲಿ ಒಂದಾಗಿದೆ.
ಬ್ರಿಟನ್‌ನಲ್ಲಿರುವ ಸ್ಟೋಕ್ ಪಾರ್ಕ್ ಕಂಟ್ರಿ ಕ್ಲಬ್ ಹಲವಾರು ವರ್ಷಗಳಿಂದ ಹಲವಾರು ಪ್ರಸಿದ್ಧ ಸಂದರ್ಶಕರು ಮತ್ತು ಅತಿಥಿಗಳನ್ನು ಕಂಡಿದೆ. ಬ್ರಿಟನ್ ರಾಜಮನೆತನದ ಸದಸ್ಯರು ಸಹ ತಮ್ಮ ಮಹತ್ವದ ಆಚರಣೆಗಳು ಮತ್ತು ಸಂದರ್ಭಗಳಿಗಾಗಿ ಶ್ರೀಮಂತ ಮನೆಯಲ್ಲಿ ಉಳಿಯುತ್ತಿದ್ದರು. ರಾಣಿ ಎಲಿಜಬೆತ್ I ಈ ಹಿಂದೆ 1581 ರಲ್ಲಿ ಈ ಸ್ಥಳದಲ್ಲಿ ವಾಸಿಸುತ್ತಿದ್ದರು ಎಂದು ವರದಿಯಾಗಿದೆ.
