ಲಂಡನ್: ಆರು ನವಜಾತ ಶಿಶುಗಳನ್ನು ಕೊಂದು ಏಳನೇ ಮಗುವನ್ನು ಕೊಲ್ಲಲು ಯತ್ನಿಸಿದ ಬ್ರಿಟಿಷ್ ನರ್ಸ್ ಲೂಸಿ ಲೆಟ್ಬಿಗೆ ಸೋಮವಾರ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ. ಈ ಪ್ರಕರಣದ ಕುರಿತು ಕಳೆದ ಅಕ್ಟೋಬರ್‌ನಿಂದಲೂ ಉತ್ತರ ಇಂಗ್ಲೆಂಡ್‌ನ ಮ್ಯಾಂಚೆಸ್ಟರ್ ಕ್ರೌನ್ ಕೋರ್ಟ್‌ನಲ್ಲಿ ವಿಚಾರಣೆ ನಡೆಯುತ್ತಿತ್ತು.
ಜೂನ್ 2015 ಮತ್ತು ಜೂನ್ 2016 ರ ನಡುವೆ ವಾಯುವ್ಯ ಇಂಗ್ಲೆಂಡ್‌ನ ಕೌಂಟೆಸ್ ಆಫ್ ಚೆಸ್ಟರ್ ಆಸ್ಪತ್ರೆಯ ನವಜಾತ ಶಿಶುಗಳ ಘಟಕದಲ್ಲಿ ಮಗುವಿನ ಸಾವಿನ ಸರಣಿ ಸಾವಿನ ನಂತರ ಆಕೆಯನ್ನು ಬಂಧಿಸಲಾಗಿತ್ತು.
ಸರಣಿ ಸಾವಿನ ತನಿಖಾಧಿಕಾರಿಯಾದ ವೈದ್ಯ: ಸಕಾರಣವಿಲ್ಲದೆ ಶಿಶುಗಳ ಸರಣಿ ಸಾವಿನ ಬಗ್ಗೆ ಆತಂಕಗೊಂಡಿದ್ದ ಭಾರತ ಮೂಲದ, ಬ್ರಿಟನ್‌ನಲ್ಲಿ ಜನಿಸಿದ ಶಿಶು ವೈದ್ಯ ಡಾ. ರವಿ ಜಯರಾಮ್ ಈ ಪ್ರಕರಣ ಬೆಳಕಿಗೆ ಬರುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. 2015ರಲ್ಲಿ ಮೂರು ಮಕ್ಕಳು ಮೃತಪಟ್ಟ ಬಳಿಕ ಈ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದ ರವಿ 2017ರ ಏಪ್ರಿಲ್‌ನಲ್ಲಿ ರಾಷ್ಟ್ರೀಯ ಆರೋಗ್ಯ ಸೇವೆ ಹಾಗೂ ಪೊಲೀಸ್ ಅಧಿಕಾರಿಯನ್ನು ವೈದ್ಯರು ಭೇಟಿ ಮಾಡಿ ಮಾಡಿ ಪ್ರಕರಣದ ಕುರಿತು ಮಾಹಿತಿ ನೀಡಿದ್ದರು.
ವಿಕೃತ ಮನಸ್ಸಿನ ಶ್ರೂಶಷಕಿ: 33 ವರ್ಷದ ನರ್ಸ್ ಲೂಸಿ, ಶಿಶುಗಳ ರಕ್ತ ನಾಳಗಳಲ್ಲಿ ಗಾಳಿ ಹಾಗೂ ಇನ್ಸುಲಿನ್‌ಗಳನ್ನು ಚುಚ್ಚುತ್ತಿದ್ದಳು. ಜಠರ ಕರುಳಿನ ಭಾಗಕ್ಕೆ ಗಾಳಿ ಸೇರಿಸುತ್ತಿದ್ದಳು; ಹಾಲು ಅಥವಾ ದ್ರವವನ್ನು ಅಳತೆಗೂ ಮೀರಿ ಮಗುವಿಗೆ ಕುಡಿಸಿ ಸಾಯಿಸುತ್ತಿದ್ದಳು.
