ಡಮಾಸ್ಕಸ್: ಸಿರಿಯಾದ ಉತ್ತರ ಪ್ರಾಂತ್ಯದ ಅಲೆಪ್ಪೊದಲ್ಲಿನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವು ಇಸ್ರೇಲ್ ಕ್ಷಿಪಣಿ ದಾಳಿಗೆ ತುತ್ತಾಗಿದ್ದು, ಇತ್ತೀಚೆಗೆ ದುರಸ್ತಿ ಮಾಡಿದ ರನ್‌ವೇಗೆ ಹಾನಿಯಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಗುರುವಾರ ರಾಜಧಾನಿ ಡಮಾಸ್ಕಸ್ ಮತ್ತು ಅಲೆಪ್ಪೊದಲ್ಲಿನ ವಿಮಾನ ನಿಲ್ದಾಣಗಳ ಮೇಲೆ ಇಸ್ರೇಲಿ ಪಡೆಗಳು ದಾಳಿ ನಡೆಸಿದ್ದವು. ಇದೀಗ ಮತ್ತೆ
ಅಲೆಪ್ಪೊ ವಿಮಾನ ನಿಲ್ದಾಣಕ್ಕೆ ದಾಳಿ ನಡೆದಿದೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ಶನಿವಾರ ವರದಿ ಮಾಡಿದೆ.
ಸಿರಿಯನ್ ಸಿವಿಲ್ ಏವಿಯೇಷನ್‌ನ ಮುಖ್ಯಸ್ಥ ಬಸ್ಸೆಮ್ ಮನ್ಸೂರ್, ರನ್‌ ವೇಗೆ ಹಾನಿಯಾಗಿದ್ದು ವಿಮಾನ ನಿಲ್ದಾಣದ ಕಾರ್ಯಾಚರಣೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ಹೇಳಿದ್ದಾರೆ. ಗುರುವಾರದ ದಾಳಿಯ ನಂತರ ರನ್‌ ವೇ ದುರಸ್ತಿ ಮಾಡಿ ಶನಿವಾರ ವಿಮಾನ ನಿಲ್ದಾಣವು ಸೇವೆಯನ್ನು ಪುನರಾರಂಭಿಸಿತ್ತು.
