ಟ್ರಿಪೊಲಿ: ಲಿಬಿಯಾದಲ್ಲಿ ಭಾರಿ ಮಳೆಯಿಂದಾಗಿ ಪ್ರವಾಹ ಸನ್ನಿವೇಶ ಸೃಷ್ಟಿಯಾಗಿದ್ದು, ಎರಡು ಅಣೆಕಟ್ಟು ಕುಸಿದು ಸಾವನ್ನಪ್ಪಿದವರ ಸಂಖ್ಯೆ 5300 ಕ್ಕೇ ಏರಿದ್ದು, ನಾಪತ್ತೆಯಾದವರ ಸಂಖ್ಯೆ 10 ಸಾವಿರಕ್ಕೂ ಹೆಚ್ಚಿದೆ. ಈಶಾನ್ಯ ಲಿಬಿಯಾದಲ್ಲಿ ಭಾರಿ ಮಳೆಯಿಂದಾಗಿ ಎರಡು ಅಣೆಕಟ್ಟುಗಳು ಕುಸಿದಿದೆ. ಪರಿಣಾಮ 5300ಕ್ಕೂ ಹಚ್ಚು ಮಂದಿ ಸಾವಿಗೀಡಾಗಿದ್ದಾರೆ. ಸಾವಿನ ಸಂಖ್ಯೆ ಇನ್ನು ಹೆಚ್ಚಬಹುದು ಎಂದು ಅಧಿಕಾರಿಗಳು, ಸ್ಥಳೀಯಾಡಳಿತ ತಿಳಿಸಿದೆ.
ಸ್ಟಾರ್ಮ್ ಡೇನಿಯಲ್ ಚಂಡಮಾರುತವು ಲಿಬಿಯಾ ಕರಾವಳಿಗೆ ಅಪ್ಪಳಿಸಿದ್ದು, ಈ ವೇಳೆ ಎರಡು ಅಣೆಕಟ್ಟುಗಳ ಕುಸಿತ ಕಂಡಿವೆ. ಅಲ್ಲದೆ ವಾಡಿ ಡರ್ನಾ ನದಿ ಪ್ರವಾಹದಿಂದ ಹಲವರು ಸಾವನ್ನಪ್ಪಿದ್ದಾರೆ.
ಡೇನಿಯಲ್ ಚಂಡಮಾರುತದಿಂದಾಗಿ ಲಿಬಿಯಾದಲ್ಲಿ ಸಾವನ್ನಪ್ಪಿದ ಈಜಿಪ್ಟಿಯನ್ನರ 87 ಶವಗಳನ್ನು ಈಜಿಪ್ಟ್ ಗೆ ತರಲಾಗಿದೆ ಎಂದು ಈಜಿಪ್ಟ್ ವಲಸೆ ಸಚಿವಾಲಯ ಬುಧವಾರ ತಿಳಿಸಿದೆ. ಮೃತದೇಹಗಳನ್ನು ಈಜಿಪ್ಟ್ ಮಿಲಿಟರಿ ಮೂಲಕ ಸ್ವದೇಶಕ್ಕೆ ತರಲಾಯಿತು ಎಂದು ಸಚಿವಾಲಯ ಹೇಳಿದೆ.
