ವ್ಯಾಂಕೋವರ್: ಏರ್ ಕೆನಡಾದ ಎರಡು ವಿಮಾನಗಳು ಡಿಕ್ಕಿಯಾದ ಘಟನೆ ವ್ಯಾಂಕೋವರ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಡೆದಿದೆ.
ಭಾನುವಾರ ಏರ್ ಕೆನಡಾ ರೂಜ್ ಏರ್ಬಸ್ A319 ನ ರೆಕ್ಕೆ ಜಾಝ್ ಏರ್ ಕೆನಡಾ ಎಕ್ಸ್ಪ್ರೆಸ್ ಕ್ಯೂ 400 ನ ರೆಕ್ಕೆಗೆ ಡಿಕ್ಕಿಯಾಗಿದೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಘಟನೆಯಲ್ಲಿ ಪ್ರಯಾಣಿಕರು, ವಿಮಾನ ಸಿಬ್ಬಂದಿ ಸಹಿತ ಯಾರು ಗಾಯಗೊಂಡಿಲ್ಲ ಎಂದು ಏರ್ ಕೆನಡಾ ಹೇಳಿದೆ. Q400 ವಿಮಾನದಲ್ಲಿ ಸುಮಾರು 75 ಪ್ರಯಾಣಿಕರು ಮತ್ತು ಏರ್ಬಸ್ A319 120 ಕ್ಕೂ ಹೆಚ್ಚು ಪ್ರಯಾಣಿಕರಿದ್ದರು ಎಂದು ವಿಮಾನಯಾನ ಸಂಸ್ಥೆ ಹೇಳಿದೆ.