ಮ್ಯಾಡ್ರಿಡ್: ಸ್ಪೇನ್ನ ಮುರ್ಸಿಯಾದಲ್ಲಿ ನೈಟ್ಕ್ಲಬ್ನಲ್ಲಿ ಭಾನುವಾರ ಮುಂಜಾನೆ ಬೆಂಕಿ ಕಾಣಿಸಿಕೊಂಡು ಕನಿಷ್ಠ 13 ಜನರು ಸಾವನ್ನಪ್ಪಿದ್ದು, 15 ಜನರು ಇನ್ನೂ ನಾಪತ್ತೆಯಾಗಿದ್ದಾರೆ.
ಈ ಘಟನೆಯು ಫೋಂಡಾ ಮಿಲಾಗ್ರೋಸ್ ನೈಟ್ಕ್ಲಬ್ನಲ್ಲಿ ಬೆಳಿಗ್ಗೆ 6 ಗಂಟೆಗೆ (4 a.m. GMT/9.30 a.m. IST) ಸಂಭವಿಸಿದೆ ಎಂದು ಬಿಬಿಸಿ ವರದಿ ಮಾಡಿದೆ. 28 ವರ್ಷದ ಮಹಿಳೆ ಸೇರಿದಂತೆ 15 ಜನರು ಇನ್ನೂ ನಾಪತ್ತೆಯಾಗಿದ್ದಾರೆ ಎಂದು ಪೊಲೀಸ್ ಅಧಿಕಾರಿ ಡಿಯಾಗೋ ಸೆರಾಲ್ ಸ್ಪ್ಯಾನಿಷ್ ಟಿವಿ ಚಾನೆಲ್ ಆರ್ಟಿಇಗೆ ತಿಳಿಸಿದ್ದಾರೆ.
ನಾನು ಬದುಕುಳಿಯುವುದು ಸಾಧ್ಯವೇ ಇಲ್ಲ ಎಂದು ಮಹಿಳೆ ತನ್ನ ತಾಯಿಗೆ ಮೆಸೇಜ್ ಕಳುಹಿಸಿದ್ದರು ಎಂದು ಬಿಬಿಸಿ ವರದಿ ಮಾಡಿದೆ. ಅಗ್ನಿಶಾಮಕ ದಳದವರು ನಾಲ್ಕು ದೇಹಗಳನ್ನು ಪತ್ತೆ ಮಾಡಿದ್ದಾರೆ. 1990 ರಲ್ಲಿ, ಜರಗೋಜಾದಲ್ಲಿ ಸಂಭವಿಸಿದ ಬೆಂಕಿಯಲ್ಲಿ 43 ಜನರು ಸಾವನ್ನಪ್ಪಿದರು.