ನ್ಯೂಯಾರ್ಕ್,ನ.24: ಇಂಧನ ಬೆಲೆಗಳನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ದೇಶದ ಕಾರ್ಯತಂತ್ರ ಮೀಸಲಿನಿಂದ 50 ದಶಲಕ್ಷ ಬ್ಯಾರೆಲ್‍ಗಳಷ್ಟು ತೈಲವನ್ನು ಬಿಡುಗಡೆ ಮಾಡಲು ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಅವರು ಆದೇಶಿಸಿದ್ದಾರೆ.
ಕೃತಜ್ಞತಾ ಸಮರ್ಪಣೆ ಪ್ರವಾಸಕ್ಕೆ ತೆರಳುವ ಮುನ್ನ ಬಿಡೆನ್ ಅವರು ಮಿಲಿಯಾಂತರ ಅಮೆರಿಕನ್ನರ ಹೊರೆಯನ್ನು ತಗ್ಗಿಸಲು ಈ ನಿರ್ಧಾರ ಕೈಗೊಂಡರು. ತನ್ಮೂಲಕ ಪೆಟ್ರೋಲ್‍ಗೆ ಹೆಚ್ಚಿದ ಬೇಡಿಕೆಯಿಂದುಂಟಾಗಿರುವ ಹಣದುಬ್ಬರವನ್ನು ಇಳಿಕೆ ಮಾಡಲು ಬಿಡೆನ್ ಉದ್ದೇಶಿಸಿದ್ದಾರೆ ಎಂದು ವರದಿಯಾಗಿದೆ.
