ಹಾಂಕಾಂಗ್‌: ಫೆಬ್ರವರಿಯಿಂದ ಇಲ್ಲಿಯವರೆಗೆ ಕೋವಿಡ್ ಸೋಂಕು ವ್ಯಾಪಕವಾಗಿ ಹರಡಿರುವ ಹಾಂಕಾಂಗ್‌ನಲ್ಲಿ ಸಂಭವಿಸಿರುವ ಒಟ್ಟು ಸಾವಿನ ಸಂಖ್ಯೆ, ಚೀನದ ಮೈನ್‌ಲ್ಯಾಂಡ್‌ನ‌ಲ್ಲಿ ಸಂಭವಿಸಿರುವ ಕೊರೊನಾ ಸಾವಿಗಿಂತ ಅಧಿಕವಾಗಿದೆ.
ಇದೇ ಅವಧಿಯಲ್ಲಿ ಮೈನ್‌ಲ್ಯಾಂಡ್‌ನ‌ಲ್ಲಿ 4,636 ಸಾವು ಸಂಭವಿಸಿತ್ತು. ಶುಕ್ರವಾರದ ಹೊತ್ತಿಗೆ ಅಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 20,079ರಷ್ಟಿದೆ. ಆ ಮೂಲಕ, ಹಾಂಕಾಂಗ್‌ ನಗರದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 10,16,944ಕ್ಕೇರಿದೆ.ಫೆ.9ರಿಂದ ಮಾ.18ರ ವರೆಗೆ ಸುಮಾರು 5,200 ಜನರು ಹಾಂಕಾಂಗ್‌ನಲ್ಲಿ ಕೊರೊನಾದಿಂದ ಮೃತಪಟ್ಟಿದ್ದಾರೆ.
ಚೀನದಲ್ಲಿ ಶೋಚನೀಯ ಸ್ಥಿತಿ: ಮೈನ್‌ಲ್ಯಾಂಡ್‌ನ‌ಲ್ಲಿ ಒಮಿಕ್ರಾನ್‌ ಸೋಂಕಿತರ ಸಂಖ್ಯೆ ಮಿತಿಮೀರಿದ್ದು ಹೊಸ ಪ್ರಕರಣಗಳ ಸಂಖ್ಯೆ ಸುಮಾರು 74 ಲಕ್ಷ ಮೀರಿದೆ. ಆಸ್ಪತ್ರೆಗಳಲ್ಲಿ ಒಮಿಕ್ರಾನ್‌ ಸೋಂಕಿತರು ತುಂಬಿ ತುಳುಕುವಂತಾಗಿದೆ.
