ಕ್ಯಾನ್ಬೆರಾ (ಆಸ್ಟ್ರೇಲಿಯಾ): ಲೇಬರ್ ಪಕ್ಷದ ನಾಯಕ ಆಂಥೋನಿ ಅಲ್ಬನೀಸ್ ಅವರು ಆಸ್ಟ್ರೇಲಿಯಾದ 31 ನೇ ಪ್ರಧಾನ ಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.
ಆಂಥೋನಿ ಅಲ್ಬನೀಸ್ ಟೋಕಿಯೊದಲ್ಲಿ ಅಂತರರಾಷ್ಟ್ರೀಯ ಶೃಂಗಸಭೆಯಲ್ಲಿ ಭಾಗವಹಿಸುವ ಮುನ್ನ ದೇಶದ ಹೊಸ ಪ್ರಧಾನಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದರು.
ಇದೇ ವೇಳೆ ಲೇಬರ್ ಸೆನೆಟರ್ ಪೆನ್ನಿ ವಾಂಗ್ ವಿದೇಶಾಂಗ ಸಚಿವರಾಗಿ, ರಿಚರ್ಡ್ ಮಾರ್ಲ್ಸ್ ಉಪ ಪ್ರಧಾನ ಮಂತ್ರಿಯಾಗಿ, ಜಿಮ್ ಚಾಲ್ಮರ್ಸ್ ಖಜಾಂಚಿಯಾಗಿ ಮತ್ತು ಕೇಟಿ ಗಲ್ಲಾಘರ್ ಹಣಕಾಸು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.
ಅಲ್ಬನೀಸ್ ಟ್ವೀಟ್ ಮಾಡಿ, ‘ಆಸ್ಟ್ರೇಲಿಯದ ಪ್ರಧಾನಿಯಾಗಿ ಸೇವೆ ಸಲ್ಲಿಸಲು ನನಗೆ ಗೌರವವಿದೆ. ನಾನು ಜನರನ್ನು ಒಟ್ಟುಗೂಡಿಸಲು ಮತ್ತು ಆಸ್ಟ್ರೇಲಿಯಾದ ಜನರಂತೆ ಧೈರ್ಯಶಾಲಿ, ಕಠಿಣ ಪರಿಶ್ರಮ ಮತ್ತು ಕಾಳಜಿಯುಳ್ಳ ಸರ್ಕಾರವನ್ನು ಮುನ್ನಡೆಸಲು ಬಯಸುತ್ತೇನೆಎಂದು ಬರೆದುಕೊಂಡಿದ್ದಾರೆ.
ಆಲ್ಬನೀಸ್ ಶನಿವಾರ ರಾತ್ರಿ ಚುನಾವಣೆಯಲ್ಲಿ ವಿಜಯ ಸಾಧಿಸಿದರು. ಒಂಬತ್ತು ವರ್ಷಗಳ ನಂತರ ಅಧಿಕಾರಕ್ಕಾಗಿ ಅವರ ಕಾಯುವಿಕೆಯನ್ನು ಕೊನೆಗೊಳಿಸಿದರು. ಇದರೊಂದಿಗೆ ಆಂಥೋನಿ ಅಲ್ಬನೀಸ್ ದೇಶದ 31 ನೇ ಪ್ರಧಾನ ಮಂತ್ರಿಯಾದರು. ಚುನಾವಣೆಯಲ್ಲಿ ಗೆದ್ದ ನಂತರ, ಆಂಟನಿ ಅಲ್ಬನೀಸ್ ತನಗೆ ಮತ ಹಾಕಿದ ಜನರಿಗೆ ಧನ್ಯವಾದ ಅರ್ಪಿಸಿದರು.