ಕೊಲಂಬೊ: ಕಿಡ್ನಿ ಸ್ಟೋನ್‌ ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯ ಕಾಯಿಲೆಯಾಗಿ ಪ್ರತಿಯೊಬ್ಬರನ್ನೂ ಕಾಡುತ್ತಿದೆ. ಅದೇ ರೀತಿ ಶ್ರೀಲಂಕಾ ಸೇನೆಯ (ಎಸ್‌ಎಲ್‌ಎ) ವೈದ್ಯರು ವಿಶ್ವದ ಅತಿದೊಡ್ಡ ಮತ್ತು ಭಾರವಾದ ಮೂತ್ರಪಿಂಡದ ಕಲ್ಲನ್ನು ತೆಗೆದುಹಾಕಿ ಗಿನ್ನೆಸ್ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.
13.372 ಸೆಂ.ಮೀ ಉದ್ದ ಮತ್ತು 801 ಗ್ರಾಂ ತೂಕದ ಕಲ್ಲನ್ನು ಕನ್ಸಲ್ಟೆಂಟ್ ಮೂತ್ರಶಾಸ್ತ್ರಜ್ಞ, ಲೆಫ್ಟಿನೆಂಟ್ ಕರ್ನಲ್ (ಡಾ) ಕೆ. ಸುತರ್ಶನ್, ಕೊಲಂಬೊ ಆರ್ಮಿ ಆಸ್ಪತ್ರೆಯ ಜೆನಿಟೊ ಮೂತ್ರ ಘಟಕದ ಮುಖ್ಯಸ್ಥ, ಎಸ್‌ಎಲ್‌ಎ ಸೇರಿದಂತೆ ಹಿರಿಯ ವೈದ್ಯಕೀಯ ವೈದ್ಯರ ತಂಡವು ರೋಗಿಯ ದೇಹದಿಂದ ಹೊರತೆಗೆದಿದೆ.
ಅಸ್ತಿತ್ವದಲ್ಲಿರುವ ಗಿನ್ನೆಸ್ ವಿಶ್ವ ದಾಖಲೆಗಳ ಪ್ರಕಾರ, 2004 ರಲ್ಲಿ 13 ಸೆಂ.ಮೀ ಇರುವ ವಿಶ್ವದ ಅತಿದೊಡ್ಡ ಮೂತ್ರಪಿಂಡದ ಕಲ್ಲನ್ನು ಭಾರತದ ರೋಗಿಯೊಬ್ಬರಿಂದ ಹೊರತೆಗೆಯಲಾಗಿತ್ತು. ಅದೇ ರೀತಿ 620 ಗ್ರಾಂ ತೂಕದ ಅತ್ಯಂತ ಭಾರವಾದ ಮೂತ್ರಪಿಂಡದ ಕಲ್ಲುನ್ನು 2008 ರಲ್ಲಿ ಪಾಕಿಸ್ತಾನದ ರೋಗಿಯೊಬ್ಬರಿಂದ ಹೊರತೆಗೆಯಲಾಗಿತ್ತು.
