ಕ್ವಿಟೊ: ಲೈವ್ ಕಾರ್ಯಕ್ರಮ ನಡೆಯುತ್ತಿರುವಾಗಲೇ ಟೆಲಿವಿಷನ್ ಸ್ಟುಡಿಯೊಗೆ ಗ್ರೆನೇಡ್ ಗಳೊಂದಿಗೆ ನುಗ್ಗಿದ ಬಂದೂಕುಧಾರಿಗಳು ಯುದ್ಧ ಘೋಷಿಸಿ, ಎಲ್ಲ ಭದ್ರತಾ ಪಡೆಗಳು ಹಾಗೂ ನಾಗರಿಕರನ್ನು ಹತ್ಯೆ ಮಾಡುವ ಬೆದರಿಕೆ ಹಾಕಿರುವ ಘಟನೆ ಈಕ್ವೆಡಾರ್ ನಲ್ಲಿ ನಡೆದಿದೆ ಎಂದು ಮೂಲವೊಂದು ವರದಿ ಮಾಡಿದೆ. ಇದಕ್ಕೆ ಸಂಬಂಧಿಸಿದಂತೆ ವಿಡಿಯೋ ಕೂಡ ವೈರಲ್‌ ಆಗಿದೆ.
ಈ ಘಟನೆಯ ಬಳಿಕ ದೇಶದ ಅತ್ಯಂತ ಪ್ರಭಾವಿ ಅಪರಾಧಿ ಗುಂಪಿನ ವಿರುದ್ಧ ಸೇನಾ ಕಾರ್ಯಾಚರಣೆಗೆ ಈಕ್ವೆಡಾರ್ ಅಧ್ಯಕ್ಷ ಡೇನಿಯಲ್ ನೊಬೊವಾ ಆದೇಶ ನೀಡಿದ್ದಾರೆ. ಬಂಧೂಕುಧಾರಿಗಳೂ “ಯುದ್ಧ” ಘೋಷಣೆ ಮಾಡಿದ ಬೆನ್ನಲ್ಲೇ ನೊಬೊಡೊ ದೇಶದಲ್ಲಿ ಆಂತರಿಕ ಸಶಸ್ತ್ರ ಸಂಘರ್ಷ ಸ್ಥಿತಿಯನ್ನು ಘೋಷಿಸಿದ್ದಾರೆ.
ಬಂದರು ನಗರವದ ಗುಯಾಕ್ವಿನ್ ಟಿಸಿ ಟೆಲಿವಿಷನ್ ಸ್ಟುಡಿಯೊಗೆ ರೈಫಲ್ ಮತ್ತು ಗ್ರೆನೇಡ್ ಳೊಂದಿಗೆ ದಾಳಿಕೋರರು ನುಗ್ಗಿ ಯುದ್ಧ ಘೋಷಿಸಿದ ಹಿನ್ನೆಲೆಯಲ್ಲಿ ಅಧ್ಯಕ್ಷರು ಈ ಹೇಳಿಕೆ ನೀಡಿದ್ದಾರೆ. ಬಂದೂಕಿನ ಸದ್ದು ಕೇಳಿದ ಮಹಿಳೆಯೊಬ್ಬರು, “ದಯವಿಟ್ಟು ಗುಂಡು ಹೊಡೆಯಬೇಡಿ” ಎಂದು ಅಂಗಲಾಚುತ್ತಿರುವುದು ಕೇಳಿಸುತ್ತಿದೆ.
ಇತ್ತ ಸುಮಾರು 30 ನಿಮಿಷಗಳ ಬಳಿಕ, ಸ್ಟುಡಿಯೊ ಪ್ರವೇಶಿಸಿದ ವ್ಯಕ್ತಿಯೊಬ್ಬ ಹಲವು ಮಂದಿ ಗಾಯಗೊಂಡಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ.
https://twitter.com/i/status/1744805395749609668
