ಕೋಲ್ಕತ್ತಾ: ಸಂದೇಶ್‌ಖಾಲಿಯಲ್ಲಿ ಮಹಿಯಳೆಯರ ವಿರುದ್ಧ ದೌರ್ಜನ್ಯ ಮಾಡಿದ್ದಲ್ಲದೆ ಅಧಿಕಾರಿಗಳ ಮೇಲೆ ಕೂಡ ದಾಳಿ ನಡೆಸಿದ್ದ ಆರೋಪಿ ಶೇಖ್ ಷಹಜಹಾನ್‍ ನನ್ನು ಬಂಧಿಸಲಾಗಿತ್ತು. ಹಾಗೂ ತೃಣಮೂಲ ಕಾಂಗ್ರೇಸ್‌ ನಿಂದ ಅಮಾನತು ಮಾಡಲಾಗಿದ್ದು, ಆರೋಪಿ ಶೇಖ್ ಷಹಜಹಾನ್‍ನನ್ನು ಇದೀಗ ಕೇಂದ್ರೀಯ ತನಿಖಾ ದಳದ ಕಸ್ಟಡಿಯನ್ನು ಮತ್ತೆ ನಾಲ್ಕು ದಿನಗಳವರೆಗೆ ನ್ಯಾಯಾಲಯ ವಿಸ್ತರಿಸಿದೆ.
ಕೋಲ್ಕತ್ತಾ ಹೈಕೋರ್ಟ್‍ನ ಆದೇಶದ ಮೇರೆಗೆ ತನಿಖೆಯ ವರ್ಗಾವಣೆಯೊಂದಿಗೆ ಮಾರ್ಚ್ 6 ರಂದು ಸಿಬಿಐ ಶೇಖ್ ಷಹಜಹಾನ್‍ನನ್ನು ಕಸ್ಟಡಿಗೆ ಪಡೆದುಕೊಂಡಿತ್ತು. ಹಾಗೂ ನ್ಯಾಯಲಯಕ್ಕೆ ನಾಲ್ಕು ದಿನದ ಕಸ್ಟಡಿ ವಿಸ್ತರಿಸುವಂತೆ ಅರ್ಜಿ ಸಲ್ಲಿಸಿತ್ತು ಇದೀಗ ಅರ್ಜಿಗೆ ಒಪ್ಪಿಗೆ ನೀಡಿದ್ದು ಅಲ್ಲದೇ ಮಾ.14 ರಂದು ವಿಚಾರಣೆಗೆ ಹಾಜರುಪಡಿಸುವಂತೆ ನ್ಯಾಯಾಲಯ ಸೂಚಿಸಿದೆ. ಪಶ್ಚಿಮ ಬಂಗಾಳದ ಬಸಿರ್‍ಹತ್‍ನ ನ್ಯಾಯಾಲಯ ಕೇಂದ್ರೀಯ ಸಂಸ್ಥೆಯ ಅರ್ಜಿಯ ಆಧಾರದ ಮೇಲೆ ಈ ಆದೇಶ ನೀಡಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.
