ಇಟಾವಾ: ಉತ್ತರ ಪ್ರದೇಶದ ಇಟಾವಾ ಜಿಲ್ಲೆಯ ಇಟಾವಾ ಲಯನ್ ಸಫಾರಿಯಲ್ಲಿ ಐದು ದಿನಗಳ ಅವಧಿಯಲ್ಲಿ ಸಿಂಹಿಣಿ ಸೋನಾಗೆ ಜನಿಸಿದ ಐದು ಮರಿಗಳಲ್ಲಿ ಮೂರು ಮರಿಗಳು ಸಾವನ್ನಪ್ಪಿವೆ ಎಂದು ಅರಣ್ಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಮಮತಾ ಎಸ್ ದುಬೆ ಅವರು ಸಾವುಗಳನ್ನು ದೃಢಪಡಿಸಿದ ನಂತರ ಸಫಾರಿಯ ಅಧಿಕಾರಿಗಳು ಬುಧವಾರದವರೆಗೆ ಈ ಸುದ್ದಿಯನ್ನು ರಹಸ್ಯವಾಗಿರಿಸಿದ್ದರು.
ಜುಲೈ 6 ರಂದು ಮೊದಲ ಮರಿ ಜನಿಸಿದ ನಂತರ ಜುಲೈ 9 ರಂದು ಮೂರು ಮತ್ತು ಜುಲೈ 10 ರಂದು ಒಂದು ಮರಿಗಳು ಜನಿಸಿವೆ. ಜುಲೈ 6 ರಂದು ಜನಿಸಿದ ಮರಿ ಮತ್ತು ಜುಲೈ 9 ರಂದು ಜನಿಸಿದ ಮೂರು ಮರಿಗಳಲ್ಲಿ ಒಂದು ಮಾತ್ರ ಜೀವಂತವಾಗಿದೆ.
ಪಶುವೈದ್ಯರು ಬದುಕುಳಿದಿರುವ ಎರಡು ಮರಿಗಳ ಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತಿದ್ದಾರೆ. ನಾಲ್ಕರಿಂದ ಐದು ದಿನಗಳಲ್ಲಿ ಸಿಂಹಿಣಿ ಮರಿಗಳಿಗೆ ಜನ್ಮ ನೀಡುವುದು ಅಪರೂಪ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ತನಿಖೆಗಾಗಿ ಗುಜರಾತ್ ನಿಂದ ತಜ್ಞರನ್ನು ಕರೆಸಲಾಗಿದೆ ಮತ್ತು ಇದು ಏಕೆ ಸಂಭವಿಸಿತು ಎಂಬುದನ್ನು ಅಧ್ಯಯನ ಮಾಡಲು ತಜ್ಞರನ್ನು ನಿಯೋಜಿಸುವಂತೆ ನಾವು ಡೆಹ್ರಾಡೂನ್ ವನ್ಯಜೀವಿ ಸಂಸ್ಥೆಯ ಅಧಿಕಾರಿಗಳಿಗೆ ಪತ್ರ ಬರೆದಿದ್ದೇವೆ” ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.