ಮುಜಾಫರ್‍ನಗರ್, – ಬಾಗಿಲು ಒಡೆದು ಒಳ ನುಗ್ಗಿ ಆರೋಪಿ ಯೊಬ್ಬ, ಕುತ್ತಿಗೆಗೆ ಚಾಕು ಇಟ್ಟು ಅತ್ಯಾಚಾರಕ್ಕೆ ಯತ್ನಿಸಿರುವ ಘಟನೆ ನಡೆದಿದೆ. ಮುಜಾಫರ್‍ನಗರ ಜಿಲ್ಲೆಯ ತೇಜ್‍ಪುರ ಕಾಲಾ ಗ್ರಾಮದಲ್ಲಿ ಘಟನೆ ನಡೆದಿದೆ.
ವಿವಾಹಿತ ಮಹಿಳೆ ತಮ್ಮ ಪೋಷಕರ ಮನೆಯಲ್ಲಿ ಮಲಗಿದ್ದಾಗ ಆರೋಪಿ ವಿಶಾಲ್ ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ. ಮನೆಯ ಬಾಗಿಲು ಮೀಟಿ ಚಾಕು ಹಿಡಿದು ಒಳನುಗ್ಗಿರುವ ಆತ ಮಹಿಳೆಯ ಕುತ್ತಿಗೆಗೆ ಚಾಕು ಇಟ್ಟು ಅತ್ಯಾಚಾರಕ್ಕೆ ಮುಂದಾಗಿದ್ದಾನೆ. ಆ ಸಂದರ್ಭದಲ್ಲಿ ಮಹಿಳೆ ಜೋರಾಗಿ ಕೂಗಿಕೊಂಡಿದ್ದು, ಮನೆಯಲ್ಲಿದ್ದವರು ಎದ್ದಿದ್ದಾರೆ. ತಕ್ಷಣ ಆರೋಪಿ ಪರಾರಿಯಾಗಿದ್ದಾನೆ. ಪೋಷಕರು ಪೊಲೀಸರಿಗೆ ದೂರು ನೀಡಿದ್ದು, ಚಪುರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
