ಹೈದರಾಬಾದ್, ಫೆ.26: ಸುಮಾರು ಎರಡು ವಾರಗಳಿಂದ ನಾಪತ್ತೆಯಾಗಿದ್ದ ಯುವಕನನ್ನು ಬರ್ಬರವಾಗಿ ಹತ್ಯೆ ಮಾಡಿರುವ ಘಟನೆ ಹೈದರಾಬಾದ್ ನಲ್ಲಿ ನಡೆದಿದೆ.
ನಗರದ ಹೊರವಲಯದಲ್ಲಿರುವ ಶಾಹೀನ್ ನಗರದ ಮಿನಾರ್ ಕಾಲೋನಿ ಬಳಿ ಮೊಹಮ್ಮದ್ ಷಾ ಫೈಸಲ್ ಅವರ ಶವ ಪತ್ತೆಯಾಗಿದೆ.
ಪೊಲೀಸರು ಶವವನ್ನು ಶವಪರೀಕ್ಷೆಗಾಗಿ ಸ್ಥಳಾಂತರಿಸಿದರು. ಪೊಲೀಸರ ಪ್ರಕಾರ, ಫೈಸಲ್ ಮೇಲೆ ದೊಣ್ಣೆ ಮತ್ತು ಕಲ್ಲುಗಳಿಂದ ಹಲ್ಲೆ ಮಾಡಲಾಗಿದೆ.
ಫೈಸಲ್ ಫೆಬ್ರವರಿ 12 ರಿಂದ ಕಾಣೆಯಾಗಿದ್ದು, ಅವರ ಪೋಷಕರು ರಾಚಕೊಂಡ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಯ ಬಾಲಾಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಪೊಲೀಸರು ಫೈಸಲ್ ಸ್ನೇಹಿತನನ್ನು ವಿಚಾರಣೆಗಾಗಿ ವಶಕ್ಕೆ ಪಡೆದಿದ್ದಾರೆ. ಕೊಲೆಯಾದ ಯುವಕ ಕೊನೆಯದಾಗಿ ತನ್ನ ಮೊಬೈಲ್ ಫೋನ್ ನಲ್ಲಿ ಸ್ನೇಹಿತನೊಂದಿಗೆ ಮಾತನಾಡಿದ್ದನು.
ಫೈಸಲ್ ಐದು ತಿಂಗಳ ಹಿಂದೆ ಮದುವೆಯಾಗಿದ್ದರು. ತಾನು ಪರಿಚಿತರೊಬ್ಬರನ್ನು ನೋಡಲು ಉಸ್ಮಾನಿಯಾ ಆಸ್ಪತ್ರೆಗೆ ಹೋಗುತ್ತಿರುವುದಾಗಿ ಫೆಬ್ರವರಿ 12 ರಂದು ಅವನು ತನ್ನ ಕುಟುಂಬಕ್ಕೆ ತಿಳಿಸಿದ್ದನು, ಆದರೆ ಹಲವಾರು ಗಂಟೆಗಳ ನಂತರವೂ ಅವನು ಹಿಂತಿರುಗದಿದ್ದಾಗ, ಅವನ ಪೋಷಕರು ಮೊಬೈಲ್ ಫೋನ್ ನಲ್ಲಿ ಅವನನ್ನು ಸಂಪರ್ಕಿಸಲು ಪ್ರಯತ್ನಿಸಿದರು ಆದರೆ ಅದು ಸ್ವಿಚ್ ಆಫ್ ಆಗಿತ್ತು.
ಫೈಸಲ್ ನನ್ನು ಅದೇ ದಿನ ಕೊಲೆ ಮಾಡಲಾಗಿದ್ದು, ಹಳೆಯ ವೈಷಮ್ಯ ಮತ್ತು ಹಣಕಾಸಿನ ವಹಿವಾಟುಗಳು ಕೊಲೆಯ ಹಿಂದಿನ ಕಾರಣಗಳಾಗಿವೆ ಎಂದು ಊಹಿಸಲಾಗಿದೆ.