ನವದೆಹಲಿ: 26ರ ಹರೆಯದ ವಿಧವೆಯೊಬ್ಬರಿಗೆ 32 ವಾರಗಳ ಗರ್ಭಾವಸ್ಥೆಯನ್ನು ಅಂತ್ಯಗೊಳಿಸಲು ಸುಪ್ರೀಂ ಕೋರ್ಟ್ ಬುಧವಾರ(ಜ.31) ನಿರಾಕರಿಸಿದೆ. ಭ್ರೂಣದಲ್ಲಿ ಯಾವುದೇ ಅಸಹಜತೆ ಇಲ್ಲ. ಇದು ಸಾಮಾನ್ಯ ಭ್ರೂಣ ಮತ್ತು ಯಾವುದೇ ಅಪಾಯವಿಲ್ಲ ಎಂದು ವೈದ್ಯಕೀಯ ಮಂಡಳಿಯು ಹೇಳಿದೆ. ಈ ಅಭಿಪ್ರಾಯ ಪರಿಗಣಿಸಿದ ಸುಪ್ರೀಂ ಗರ್ಭಪಾತಕ್ಕೆ ಅವಕಾಶ ನಿರಾಕರಿಸಿದೆ.
ನ್ಯಾ. ಬೇಲಾ ಎಂ. ತ್ರಿವೇದಿ ಮತ್ತು ನ್ಯಾ. ಪ್ರಸನ್ನ ಬಾಲಚಂದ್ರ ವರಾಳೆ ಅವರನ್ನೊಳಗೊಂಡ ಪೀಠವು ತನ್ನ 29 ವಾರಗಳ ಭ್ರೂಣವನ್ನು ಅಂತ್ಯಗೊಳಿಸಲು ಜನವರಿ 4 ರ ಆದೇಶವನ್ನು ಹಿಂಪಡೆಯಲು ದೆಹಲಿ ಹೈಕೋರ್ಟ್ ನೀಡಿದ್ದ ಆದೇಶವನ್ನು ಪ್ರಶ್ನಿಸಿ ವಿಧವೆ ಸಲ್ಲಿಸಿದ ಅರ್ಜಿಯ ವಿಚಾರಣೆ ನಡೆಸುತ್ತಿದೆ.
ಇದು 32 ವಾರಗಳ ಭ್ರೂಣ. ಅದನ್ನು ಹೇಗೆ ಕೊನೆಗೊಳಿಸಬಹುದು? ವೈದ್ಯಕೀಯ ಮಂಡಳಿ ಕೂಡ ಇದನ್ನು ಅಂತ್ಯಗೊಳಿಸಲು ಸಾಧ್ಯವಿಲ್ಲ ಎಂದು ಹೇಳಿದೆ. ಇದು ಎರಡು ವಾರಗಳ ವಿಷಯವಾಗಿದೆ, ನೀವು ಬಯಸಿದರೆ ಅದನ್ನು ದತ್ತು ಪಡೆಯಲು ನೀಡಬಹುದು ಎಂದು ಪೀಠ ಹೇಳಿದೆ.
