ಜೈಪುರ: ‘ಮನಿ ಹೇಯ್ಸ್ಟ್’ನ ಪಾತ್ರವೊಂದು ಧರಿಸಿರುವ ಕೆಂಪು ಬಣ್ಣದ ದಿರಿಸನ್ನು ಧರಿಸಿಕೊಂಡು, ತನ್ನ ಕಾರಿನ ಮೇಲಿಂದ ನೋಟನ್ನು ಎಸೆಯುತ್ತಿರುವ ಜೈಪುರ ಯುವಕನೊಬ್ಬನ ವೀಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಈ ವಿಚಿತ್ರ ವರ್ತನೆಯು ಸಾರ್ವಜನಿಕರಲ್ಲಿ ಗಾಬರಿ ಹುಟ್ಟಿಸಿದ್ದು, ಸಂಚಾರ ದಟ್ಟಣೆಗೂ ಕಾರಣವಾಗಿದೆ. ಈ ಘಟನೆಯು ಜೈಪುರದ ಮಾಳವಿಯಾ ನಗರದಲ್ಲಿನ ಗೌರವ್ ಟವರ್ ಬಳಿ ನಡೆದಿದೆ ಎಂದು ವರದಿಯಾಗಿದೆ.
ಈ ವೀಡಿಯೊ ವೈರಲ್ ಆದ ನಂತರ, ಘಟನೆಯಲ್ಲಿ ಭಾಗಿಯಾಗಿದ್ದ ಯುವಕನನ್ನು ಜೈಪುರ ಪೂರ್ವ ವಿಭಾಗದ ಉಪ ಪೊಲೀಸ್ ಆಯುಕ್ತ ಜ್ಞಾನಚಂದ್ ಯಾದವ್ ಬಂಧಿಸಿದ್ದಾರೆ. ಆ ಯುವಕನ ಎಸೆದಿದ್ದ ನೋಟಿನ ಮುಖಬೆಲೆಯು ರೂ. 10 ಮತ್ತು ರೂ. 20ರದಾಗಿತ್ತು. ಈ ಪ್ರಕರಣದ ಕುರಿತು ಪೊಲೀಸರು ತನಿಖೆ ಕೈಗೊಂಡಿದ್ದು, ಯುವಕನನ್ನು ಪೊಲೀಸರು ವಿಚಾರಣೆಗೊಳಪಡಿಸಿದ್ದಾರೆ.
Money heist in Jaipur near Gaurav tower. pic.twitter.com/1nsWSuxsHQ
— राजस्थानी ट्वीट (@8PMnoCM) October 3, 2023