ಜೈಪುರ: ಪಾಕಿಸ್ತಾನದ ಸೀಮಾ ಹೈದರ್, ಭಾರತದ ಅಂಜು ಫಾತಿಮಾ ತಮ್ಮ ಪ್ರಿಯಕರನಿಗಾಗಿ ದೇಶದ ಗಡಿ ದಾಟಿ ಜಗತ್ತಿನೆಲ್ಲೆಡೆ ಸುದ್ದಿಯಾಗಿದ್ದರು. ಅದೇ ರೀತಿ ರಾಜಸ್ಥಾನದ ದುಂಗರ್ಪುರ ಜಿಲ್ಲೆಯ , ದೀಪಿಕಾ ಪಾಟೀದಾರ್(35) ತನ್ನ ಪ್ರಿಯಕರ ಇರ್ಫಾನ್ ಹೈದರ್ಗಾಗಿ ಮನೆಯಲ್ಲಿದ್ದ ಚಿನ್ನಾಭರಣ, ಹಣವನ್ನು ದೋಚಿ ಪರಾರಿ ಕುವೈತ್ ಸೇರಿಕೊಂಡಿದ್ದರು. ಇದೀಗ ಆಕೆ ಇಸ್ಲಾಂಗೆ ಮತಾಂತರಗೊಂಡಿದ್ದು, ನಜೀರಾ ಎಂದು ಹೆಸರು ಬದಲಾಯಿಸಿಕೊಂಡಿದ್ದಾರೆ.
ದೀಪಿಕಾ ಪಾಟೀದಾರ್ಗೆ ಈಗಾಗಲೇ ಮದುವೆಯಾಗಿದ್ದು, 11 ಹಾಗೂ 7 ವರ್ಷದ ಇಬ್ಬರು ಮಕ್ಕಳಿದ್ದಾರೆ. ಆಕೆಯ ಪತಿ ಮುಂಬೈನಲ್ಲಿ ಕೆಲಸ ಮಾಡುತ್ತಿದ್ದು, ಆತ ಕುಟುಂಬದೊಂದಿಗೆ ಇರಲಿಲ್ಲ. ತಿಂಗಳಿಗೊಮ್ಮೆ ರಾಜಸ್ಥಾನಕ್ಕೆ ಬರುತ್ತಿದ್ದರು. ದೀಪಿಕಾ ಕುಟುಂಬಸ್ಥರು ಹಾಗೂ ಪತಿಯ ಬಳಿ ಅನಾರೋಗ್ಯದ ಕಾರಣ ನೀಡಿ ಚಿಕಿತ್ಸೆ ಪಡೆಯಲೆಂದು ಮಹಿಳೆ ಹಲವು ಬಾರಿ ರಾಜಸ್ಥಾನದ ಉದಯ್ಪುರ ಹಾಗೂ ಗುಜರಾತ್ಗೆ ಭೇಟಿ ನೀಡುತ್ತಿದ್ದರು.
ಅದರಂತೆ ಜುಲೈ 10ರಂದು ಮಹಿಳೆ ಚಿಕಿತ್ಸೆಗಾಗಿ ಗುಜರಾತ್ಗೆ ತೆರಳುತ್ತಿರುವುದಾಗಿ ಹೇಳಿ ಮನೆಯಿಂದ ಹೊರಟ್ಟಿದ್ದಾರೆ. ಜುಲೈ 13ರಂದು ಆಕೆಯ ಪತಿಗೆ ವಾಟ್ಸ್ಅಪ್ ಮೂಲಕ ಕರೆ ಮಾಡಿ ನಿಮ್ಮಿಂದ ಬೇಜಾರಾಗಿದ್ದು, ದೂರ ಹೋಗುತ್ತಿರುವುದಾಗಿ ತಿಳಿಸಿದ್ದರು. ಗುಜರಾತ್ನ ಸಬರ್ಕಾಂತದಲ್ಲಿರುವ ಖೇಡ್ ಬ್ರಹ್ಮದಲ್ಲಿ ಇಬ್ಬರು ಭೇಟಿಯಾಗಿದ್ದು, ಬಳಿಕ ಅಲ್ಲಿಂದ ಕುವೈತ್ಗೆ ಹಾರಿದ್ದಾರೆ ಎಂದು ತಿಳಿದು ಬಂದಿದೆ.