ತಾಯಿಗಾಗಿ ಅಡುಗೆ ತಯಾರಿಸಿದ ರಾಹುಲ್​​​ ಗಾಂಧಿ: ವಿಡಿಯೋ ವೈರಲ್

ನವದೆಹಲಿ: ಕಾಂಗ್ರೆಸ್​ ನಾಯಕ, ಸಂಸದ ರಾಹುಲ್​ ಗಾಂಧಿಯವರು ತಮ್ಮ ತಾಯಿ ಸೋನಿಯಾ ಗಾಂಧಿ ಜೊತೆ 2024 ಅನ್ನು ವಿಶೇಷವಾಗಿ ಬರಮಾಡಿಕೊಂಡಿದ್ದಾರೆ. ಅಮ್ಮನ ಜೊತೆ ಸೇರಿ ಕಿತ್ತಳೆ ಜಾಮ್ ಯನ್ನು ತಯಾರಿ ಮಾಡುವ ಮೂಲಕ ಹೊಸ ವರ್ಷವನ್ನು ಆಚರಣೆ ಮಾಡಿದ್ದಾರೆ. ಸದ್ಯ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗಿದೆ.

ಐಎನ್​ಸಿ ಕಾಂಗ್ರೆಸ್​​ನ ಅಧಿಕೃತ ಟ್ವಿಟರ್​ನಲ್ಲಿ ರಾಹುಲ್ ಗಾಂಧಿಯವರು ತಯಾರಿಸಿದ ಆರೆಂಜ್ ಮರ್ಮಾಲಡ್ ವಿಡಿಯೋವನ್ನು ಶೇರ್ ಮಾಡಲಾಗಿದೆ. ವಿಡಿಯೋದಲ್ಲಿ ತಮ್ಮ ನಿವಾಸದ ಮುಂದಿರುವ ಕಿತ್ತಳೆ ಗಿಡಗಳ ಬಳಿ ರಾಹುಲ್ ಗಾಂಧಿ, ಸೋನಿಯಾ ಗಾಂಧಿ ತೆರಳಿದ್ದಾರೆ. ಈ ವೇಳೆ ರಾಹುಲ್ ಗಾಂಧಿ ಆರೆಂಜ್ ಹಣ್ಣುಗಳನ್ನು ಕಿತ್ತುಕೊಂಡು ಒಂದು ಬುಟ್ಟಿಯಲ್ಲಿ ಹಾಕಿಕೊಂಡು ವಾಪಸ್ ಮನೆಯೊಳಗೆ ಬಂದಿದ್ದಾರೆ.

ಸೋನಿಯಾ ಗಾಂಧಿ ಮುಂದೆಯೇ ಮನೆಯಲ್ಲಿ ಕಿತ್ತಳೆ ಹಣ್ಣುಗಳನ್ನು ಪೀಸ್ ಪೀಸ್ ಮಾಡಿ, ಸ್ಟವ್​​ ಮೇಲಿರುವ ಪಾತ್ರೆಗೆ ಹಾಕಿ ಅದರಲ್ಲಿ ವಿವಿಧ ವಸ್ತುಗಳನ್ನ ಹಾಕಿ ಮರ್ಮಾಲಡ್ ತಯಾರಿಸಿದ್ದಾರೆ. ನನ್ನ ಸಹೋದರಿ ಪ್ರಿಯಾಂಕ ಗಾಂಧಿಯವರು ಅಡುಗೆಯನ್ನು ಚೆನ್ನಾಗಿ ಮಾಡುತ್ತಾರೆ. ಅವರಿಂದಲೇ ನಾನು ಆರೆಂಜ್ ಮರ್ಮಾಲಡ್ ಮಾಡಲು ಕಲಿತಿರುವುದು. ಬೆಸ್ಟ್ ಕುಕ್ ಮಾಡುವುದರಲ್ಲಿ ಅಮ್ಮನೇ ಮೇಲುಗೈ ಎಂದು ಹೇಳಿದ್ದಾರೆ.

ಕಾಂಗ್ರೆಸ್​ ನಾಯಕಿ ಮಾತನಾಡಿ, ನನ್ನ ಬಗ್ಗೆ ಹೆಚ್ಚಿನ ಜಾಗ್ರತೆಯನ್ನು ರಾಹುಲ್ ಗಾಂಧಿ ತೆಗೆದುಕೊಳ್ಳುತ್ತಾರೆ. ನನಗೇನಾದರೂ ಹುಷಾರಿಲ್ಲ ಅಂದರೆ ಪ್ರಿಯಾಂಕ, ರಾಹುಲ್ ಇಬ್ಬರು ತುಂಬಾ ಕೇರ್ ಮಾಡ್ತಾರೆ. ವಿದೇಶಗಳಿಗೆ ಹೋದರೆ ಅಲ್ಲಿನ ಫುಡ್ ಅಡ್ಜಸ್ಟ್​ ಆಗದ ಕಾರಣ, ಇಂಡಿಯನ್ ರೆಸ್ಟೋರೆಂಟ್ ಹುಡುಕಿ ಅಲ್ಲಿಗೆ ಹೋಗಿ ಊಟ ಮಾಡುತ್ತೇನೆ ಎಂದು ಹೇಳಿದ್ದಾರೆ.

Shri @RahulGandhi tries his hand at orange marmalade-making.  

Watch Smt. Sonia ji and Rahul ji revisit their memories as they fill delightful jars of joy.

Full video here: https://t.co/nVPlYQ97yw pic.twitter.com/yE6yZRPKEV

— Congress (@INCIndia) December 31, 2023