ಮುಂಬೈ: ಅಮೆರಿಕಾದಿಂದ ಜವಾಹರಲಾಲ್ ನೆಹರು ಬಂದರಿಗೆ ತೇಲಿಬಂದ ಹಡಗಿನಲ್ಲಿ ಕಂಡುಬಂದ ರಾಕೂನ್ ಕಳೆದ ೬೦ ದಿನಗಳ ಕಾಲ ಖಾಲಿ ಹೊಟ್ಟೆಯಲ್ಲಿ ಬದುಕಿದ್ದ ಘಟನೆ ಮಹಾರಾಷ್ಟ್ರದ ಪಾಲ್ಗಾರ್ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ.
ಸರಕಿನ ಹಿಂದೆ ಸಿಲುಕಿದ್ದ ಈ ರಾಕೂನ್ ಪತ್ತೆಯಾದಾಗ ತೀರಾ ನಿತ್ರಾಣ ಸ್ಥಿತಿಯಲ್ಲಿದ್ದ ಬಗ್ಗೆ ಮಾಹಿತಿ ನೀಡಿದ ಬಂದರಿನ ಅಧಿಕಾರಿಗಳು ಕೂಡಲೇ RAWW ಅನ್ನು ಸಂಪರ್ಕಿಸಿದ್ದಾರೆ.
ತನಿಖೆಯ ನಂತರ ರಾಕೂನ್ ನವೆಂಬರ್ ೫ರಂದು ಅಮೆರಿಕದಿಂದ ಹೊರಟಿದ್ದ ಹಡಗಿನಲ್ಲಿ ಅಡಗಿತ್ತು ಎಂದು ತಿಳಿದುಬಂದಿದೆ.
ನರಿ ಅಥವ ನಾಯಿಗಳನ್ನು ಹೋಲುವ ಈ ಪ್ರಾಣಿಯು ಸತತ ೬೦ ದಿನಗಳ ಕಾಲ ಆಹಾರವಿಲ್ಲದೆ ಕಳೆದಿತ್ತು ಎಂದು RAWW ಸಂಸ್ಥಾಪಕ ಪವನ್ ಶರ್ಮಾ ಹೇಳಿದ್ದಾರೆ.
ರಾಕೂನ್ ಗೆ ಅಗತ್ಯ ಆಹಾರ ನೀಡಲಾಗಿದ್ದು, ಅದು ಚೇತರಿಸಿಕೊಂಡ ಬಳಿಕ ಮರಳಿ ಅಮೇರಿಕಕ್ಕೆ ಕಳುಹಿಸುವ ಬಗ್ಗೆ ಚಿಂತಿಸಲಾಗುವುದು ಎಂದು ಅವರು ತಿಳಿಸಿದರು.