ನಾಗ್ಪುರ: ಕೈಗಾರಿಕೋದ್ಯಮಿ ಮತ್ತು ಬಜಾಜ್ ಗ್ರೂಪ್ ಆಫ್ ಇಂಡಸ್ಟ್ರೀಸ್ ಸಂಸ್ಥಾಪಕ ಹರಗೋವಿಂದ್ ಗಂಗಾಬಿಸನ್ ಬಜಾಜ್ ಶುಕ್ರವಾರ(ಅ.13) ರಾತ್ರಿ ನಿಧನರಾದರು. ಅವರಿಗೆ 96 ವರ್ಷ ವಯಸ್ಸಾಗಿತ್ತು. ಅವರು ತಮ್ಮ ಪತ್ನಿ ಗಾಯತ್ರಿ ದೇವಿ ಬಜಾಜ್, ಪುತ್ರರಾದ ರೋಹಿತ್ ಮತ್ತು ಸುನಿಲ್ ಬಜಾಜ್ ಮತ್ತು ದೊಡ್ಡ ಕುಟುಂಬವನ್ನು ಅಗಲಿದ್ದಾರೆ.
ದಕ್ಷ ಉದ್ಯಮಿಯಾಗಿದ್ದ ಅವರು ವಿದರ್ಭ ಪ್ರದೇಶದ ಉನ್ನತಿಗೆ ಸಮರ್ಪಿತವಾದ ಧೀಮಂತ ವ್ಯಕ್ತಿ. ಅವರು ವಿದರ್ಭ ಇಂಡಸ್ಟ್ರೀಸ್ ಅಸೋಸಿಯೇಶನ್ನ ಸ್ಥಾಪಕ ಅಧ್ಯಕ್ಷರೂ ಆಗಿದ್ದರು ಮತ್ತು ಈ ಪ್ರದೇಶದಲ್ಲಿ ಕೈಗಾರಿಕಾ ಬೆಳವಣಿಗೆಯನ್ನು ಉತ್ತೇಜಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಇಂದು ಅವರ ಅಂತ್ಯಕ್ರಿಯೆ ನಡೆಯಲಿದೆ ಎಂದು ತಿಳಿದು ಬಂದಿದೆ