ಕೇರಳ : ಕೇರಳದಲ್ಲಿ ಕೊರೋನಾ ಸೋಂಕು ವ್ಯಾಪಕವಾಗಿ ಹರಡುತ್ತಿರುವ ಹಿನ್ನೆಲೆಯಲ್ಲಿ ಇದನ್ನು ತಡೆಯಲು “ಸ್ಮಾರ್ಟ್ ಮತ್ತು ಯೋಜಿತ ಲಾಕ್‌ಡೌನ್” ಒಂದರ ಅಗತ್ಯವಿದೆ ಎಂಬುದಾಗಿ ಕೇಂದ್ರ ಆರೋಗ್ಯ ಸಚಿವಾಲಯದ ಮೂಲಗಳು ತಜ್ಞರ ಅಭಿಮತವನ್ನುಲ್ಲೇಖಿಸಿ ತಿಳಿಸಿವೆ.
ದೇಶದ ಒಟ್ಟಾರೆ ಕೋವಿಡ್ ಪ್ರಕರಣಗಳಲ್ಲಿ ಬಹುತೇಕ ಕೇರಳದಲ್ಲೇ ವರದಿಯಾಗುತ್ತಿವೆ. ರಾಜ್ಯದ ಶೇ.೮೫ಮಂದಿ ಸೋಂಕಿತರು ಮನೆಗಳಲ್ಲೇ ಇದ್ದು, ಅನೇಕರು ನಿಯಂತ್ರಣವಿಲ್ಲದೆ ಬೇಕಾಬಿಟ್ಟಿ ತಿರುಗಾಡುತ್ತಿರುವುದು ಮತ್ತು ಹಬ್ಬದ ಋತುವಿನಲ್ಲಿ ಯಾವುದೇ ನಿಯಮಗಳ ಪಾಲನೆಯಾಗದ ಕಾರಣ ಸೋಂಕು ವ್ಯಾಪಕಗೊಳ್ಳುತ್ತಿದೆ. ಕೇರಳದ ಪಿಣರಾಯಿ ವಿಜಯನ್ ನೇತೃತ್ವದ ಎಡರಂಗ ಸರಕಾರವು ಕೇಂದ್ರದ ಮಾರ್ಗಸೂಚಿಗಳನ್ನು ಸರಿಯಾಗಿ ಪಾಲಿಸದೆ ಇರುವುದರಿಂದ ಈಗ ಕೇರಳ ಮಾತ್ರವಲ್ಲದೆ, ಕೇರಳದ ನೆರೆಯ ರಾಜ್ಯಗಳಿಗೂ ತೀವ್ರ ಸಂಕಷ್ಟ ಎದುರಾಗಿದೆ ಎಂದು ಮೂಲಗಳು ಬೊಟ್ಟು ಮಾಡುತ್ತವೆ.
ದೇಶದಲ್ಲೇ ಅತ್ಯಕ ಪ್ರಕರಣಗಳು ಈಗ ಕೇರಳದಲ್ಲಿ ವರದಿಯಾಗುತ್ತಿದ್ದು,ಅಲ್ಲಿ ಈಗ ಮಾಡುತ್ತಿರುವಂತೆ ನಿಯಂತ್ರಣ ಕ್ರಮಗಳನ್ನು ಜಿಲ್ಲಾ ಮಟ್ಟಕ್ಕೆ ಸೀಮಿತಗೊಳಿಸದೆ ಮೈಕ್ರೋ ಕಂಟೈನ್‌ಮೆಂಟ್ ವಲಯಗಳ ರಚನೆ ಮೂಲಕ ತಳಮಟ್ಟದಲ್ಲಿ ಕೈಗೊಳ್ಳಬೇಕು . ಇಲ್ಲವಾದರೆ ಇದರಿಂದ ನೆರೆಯ ರಾಜ್ಯಗಳಿಗೂ ಸಮಸ್ಯೆಗಳನ್ನು ಉಂಟು ಮಾಡುತ್ತಿದೆ . ಸೋಂಕಿತರು ಚೇತರಿಸಿಕೊಂಡ ಬಳಿಕವೂ ಕೋವಿಡ್ ಸುರಕ್ಷಾ ನಿಯಮಗಳನ್ನು ಪಾಲಿಸುತ್ತಿಲ್ಲ . ಇದರಿಂದಾಗಿ ಕೋವಿಡ್ ನಿಯಂತ್ರಣ ಬರುತ್ತಿಲ್ಲ ಎಂದು ಅವರು ಹೇಳಿವೆ. ಕೇರಳದಲ್ಲಿನ್ನೂ ಪಾಸಿಟಿವಿಟಿ ದರ ಶೇ.೧೪-೧೯ರ ಗಂಭೀರ ಮಟ್ಟದಲ್ಲಿದ್ದು, ದಿನನಿತ್ಯ ೩೦ಸಾವಿರಕ್ಕೂ ಅಕ ಪ್ರಕರಣಗಳು ವರದಿಯಾಗುತ್ತಿವೆ.ದೇಶದ ಒಟ್ಟು ಪ್ರಕರಣಗಳು ೪೧,೯೬೫ ಆಗಿರುವಾಗ ಕೇರಳದ ಪ್ರಕರಣಗಳು ಪರಿಸ್ಥಿತಿಯ ಗಂಭೀರತೆಯನ್ನು ಎತ್ತಿತೋರುತ್ತಿವೆ. ಈಗಾಗಲೇ ಒಟ್ಟು ಪ್ರಕರಣಗಳ ಸಂಖ್ಯೆ ೪೦ಲಕ್ಷ ದಾಟಿದ್ದು, ೨೦ಸಾವಿರಕ್ಕೂ ಅಕ ಮಂದಿ ಬಲಿಯಾಗಿದ್ದಾರೆ.
ಈಗಾಗಲೇ ಕರ್ನಾಟಕ ಕೇರಳದಿಂದ ಬಂದವರಿಗೆ ೭ದಿನಗಳ ಸಾಂಸ್ಥಿಕ ಕ್ವಾರಂಟೈನ್ ಘೋಷಿಸಿದೆ.ತಮಿಳ್ನಾಡು ಕೂಡಾ ಕೇರಳದಿಂದ ಬರುವವರಿಗೆ ನಿರ್ಬಂಧಗಳನ್ನು ವಿಸಿದೆ .ಆರಂಭದಲ್ಲಿ ಬಕ್ರೀದ್ ಆಚರಣೆಗೆಂದು ನಾಲ್ಕು ದಿನಗಳ ಕಾಲ ಮುಕ್ತ ಅವಕಾಶ ನೀಡಿದ್ದ ಕೇರಳ ಸರಕಾರ ಅನಂತರ ನಿರ್ಬಂಧಗಳನ್ನು ಘೋಷಿಸಿದರೂ ಅವುಗಳ ಸೂಕ್ತ ಪಾಲನೆ ಮಾಡದೆ ಇರುವುದು ಸಮಸ್ಯೆ ಬಿಗಡಾಯಿಸಲು ಕಾರಣ ಎಂಬುದಾಗಿ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
