ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ರಜೌರಿ ಜಿಲ್ಲೆಯಲ್ಲಿ ಉಗ್ರರ ಅಡಗುದಾಣದ ಮೇಲೆ ಭದ್ರತಾ ಪಡೆಗಳು ಭಾನುವಾರ ದಾಳಿ ನಡೆಸಿದ್ದು, 8 ಕಚ್ಚಾ ಬಾಂಬ್, 2 ವೈರ್ಲೆಸ್ ಸೆಟ್ಗಳು ಹಾಗೂ ಕೆಲವು ಮದ್ದುಗುಂಡುಗಳನ್ನು ವಶಪಡಿಸಿಕೊಂಡಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವಶಪಡಿಸಿಕೊಂಡಿರುವ ವಸ್ತುಗಳು ತುಕ್ಕು ಹಿಡಿದಿದ್ದು ಎರಡು ದಶಕಗಳ ಹಿಂದೆ ಜಿಲ್ಲೆಯಲ್ಲಿ ಉಗ್ರರಿಂದ ಮುಕ್ತಿಗೊಳಿಸುವುದಕ್ಕೆ ಮುನ್ನ ಈ ಅಡಗುದಾಣ ಇತ್ತು ಎನ್ನವುದು ಸಂಕೇತ ಇದು ಎಂದು ಅಧಿಕಾರಿಗಳು ಹೇಳಿದ್ದಾರೆ. ರಜೌರಿ ನಗರದ 30 ಕಿ.ಮಿ ದೂರದಲ್ಲಿ ತನ್ನಮಂಡಿ ಪ್ರದೇಶದ ಅಜ್ಮತ್ಬಾದ್ ಗ್ರಾಮದಲ್ಲಿ ಪೊಲೀಸರು ಸೇನಾಪಡೆಗಳ ಬೆಂಬಲದೊಂದಿಗೆ ಶೋಧ ನಡೆಸಿ ಅಡಗುದಾಣ ಪತ್ತೆ ಹಚ್ಚಿದ್ದಾರೆ.
ಇದರಲ್ಲಿ ಇದರಲ್ಲಿ ಬಾಂಬ್ಗಳ ಪೈಕಿ ಒಂದು ಬಾಂಬ್ 1 ಕೆ.ಜಿ ತೂಕವಿದ್ದೆರೆ ಮತ್ತೊಂದು ಅರ್ಧ ಕೆ.ಜಿ ತೂಕವಿದ್ದವು ಎಂದು ಅವರು ಹೇಳಿದ್ದಾರೆ. ಅಲ್ಲದೇ ಎ.ಕೆ-47 ರೈಫಲ್ 3 ಕೋಠಿ, 2 ವೈರ್ಲೆಸ್ ಸೇರಿ ಇನ್ನಿತರ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ.