ಗುಜರಾತ್: ಮದುವೆಯ ಸೋಗಿನಲ್ಲಿ ಅಪ್ರಾಪ್ತ ವಯಸ್ಕ ಬಾಲಕಿಯನ್ನು ಕಳ್ಳಸಾಗಣೆ ಮಾಡುತ್ತಿದ್ದ ನಾಲ್ವರು ಮಹಿಳೆಯರು ಸೇರಿದಂತೆ ಆರು ಮಂದಿಯನ್ನು ಗುಜರಾತ್ ನ ಬನಸ್ಕಾಂತ ಪೊಲೀಸರು ಬಂಧಿಸಿದ್ದಾರೆ.
“ದೇಲಾ ಗ್ರಾಮಗಳಲ್ಲಿ ಫೂಲ್ಬಾಯಿ ವಘೇಲಾ, ಗುಲಾಬ್ಬೆನ್ ವಘೇಲಾ, ಮಗಾಂಜಿ ವಘೇಲಾ ಅವರು ಅಪ್ರಾಪ್ತ ವಯಸ್ಸಿನ ಹುಡುಗಿಯನ್ನು ಕಳ್ಳಸಾಗಣೆಗಾಗಿ ಕರೆತಂದಿದ್ದಾರೆ ಮತ್ತು ಅವರು ಮದುವೆಯ ಹೆಸರಿನಲ್ಲಿ ಹುಡುಗಿಯನ್ನು ಮಾರಾಟ ಮಾಡಲು ಹೊರಟಿದ್ದಾರೆ ಎಂದು ನನಗೆ ಮಾಹಿತಿ ಸಿಕ್ಕಿದೆ” ಎಂದು ತರಡ್ ಪೊಲೀಸ್ ಠಾಣೆಯ ಕಾನ್ಸ್ಟೇಬಲ್ ಶಿವಭಾಯಿ ಪೂನಂಜಿ ದೂರಿನಲ್ಲಿ ತಿಳಿಸಿದ್ದಾರೆ. ನಾನು ಮತ್ತು ಇತರ ಪೊಲೀಸ್ ಸಿಬ್ಬಂದಿ ಮತ್ತು ಸರ್ಕಾರಿ ಸಾಕ್ಷಿಗಳೊಂದಿಗೆ ಮನೆಯ ಮೇಲೆ ದಾಳಿ ಮಾಡಿ ಅಪ್ರಾಪ್ತ ಬಾಲಕಿಯನ್ನು ವಶಕ್ಕೆ ತೆಗೆದುಕೊಂಡಿದ್ದೇವೆ.
“ಅಹಮದಾಬಾದ್ ಮೂಲದ ಹನ್ಸಾಬೆನ್ ಮತ್ತು ರಮೀಲಾಬೆನ್ ತನ್ನ ಹೆತ್ತವರನ್ನು ಸಂಪರ್ಕಿಸಿ ನನ್ನನ್ನು ಮದುವೆಯಾಗುವುದಾಗಿ ಭರವಸೆ ನೀಡಿದ್ದರು, ಇದಕ್ಕಾಗಿ ಅವರು ನನ್ನ ಹೆತ್ತವರಿಗೆ 40,000 ರೂ.ಗಳನ್ನು ನೀಡಿದರು, ಅವರು ನನ್ನನ್ನು ಬನಸ್ಕಾಂತಕ್ಕೆ ಕರೆತಂದ ನಂತರ, ನನ್ನನ್ನು ನೋಡಲು ಹುಡುಗ ಮತ್ತು ಅವರ ಪೋಷಕರನ್ನು ಆಹ್ವಾನಿಸಿದ್ದರು. ೪ ಲಕ್ಷ ರೂ.ಗಳನ್ನು ಪಾವತಿಸಲು ಸಿದ್ಧವಿರುವ ವರನಿಗೆ ನನ್ನನ್ನು ಮಾರಾಟ ಮಾಡಲು ಅವರು ಚರ್ಚಿಸುತ್ತಿದ್ದರು. ಎಂದು ಸಂತ್ರಸ್ತೆ ಪೊಲೀಸರಿಗೆ ನೀಡಿದ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಆರೋಪಿಗಳಾದ ರಮೀಲಾಬೆನ್, ಹನ್ಸಾಬೆನ್, ಗುಲಾಬ್ಬೆನ್, ಫೂಲ್ಬಾಯಿ, ಮಗಾಂಜಿ ವಘೇಲಾ ಮತ್ತು ಜೀವನ್ ಜೋಶಿ ಅವರನ್ನು ಬಂಧಿಸಲಾಗಿದ್ದು, ಅವರ ಕೋವಿಡ್ ವರದಿ ನೆಗೆಟಿವ್ ಬಂದ ನಂತರ ಅವರನ್ನು ಅಧಿಕೃತವಾಗಿ ಬಂಧಿಸಲಾಗುವುದು ಎಂದು ತನಿಖಾಧಿಕಾರಿ ಎನ್.ಕೆ.ಪಟೇಲ್ ತಿಳಿಸಿದ್ದಾರೆ.