ಅಹಮದಾಬಾದ್‌: ಅಹಮದಾಬಾದ್‌ ಪೊಲೀಸರು ಯುವಕನ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿ ಮೌಲ್ವಿ ಮೊಹಮ್ಮದ್ ಅಯೂಬ್‌ ವೈ. ಜಬರವಾಲಾ (51) ಎಂಬುವವರನ್ನು ಶುಕ್ರವಾರ ಬಂಧಿಸಿದ್ದಾರೆ.
ಆರೋಪಿಗಳಾದ ಶಬ್ಬೀರ್‌ ಚೋಪ್ಡಾ ಅಲಿಯಾಸ್ ಸಬಾ ದಾದಾಭಾಯ್ (25) ಹಾಗೂ ಇಮ್ತಿಯಾಜ್‌ ಪಠಾಣ್‌ (27) ಎಂಬುವವರನ್ನು ಪೊಲೀಸರು ಈಗಾಗಲೇ ಬಂಧಿಸಿದ್ದಾರೆ.
ಜಬರವಾಲಾ ಬಂಧನದೊಂದಿಗೆ, ಪ್ರಕರಣಕ್ಕೆ ಸಂಬಂಧಿಸಿ ಬಂಧಿತರ ಸಂಖ್ಯೆ ಮೂರಕ್ಕೇರಿದಂತಾಗಿದೆ.ಈ ಇಬ್ಬರು ಆರೋಪಿಗಳಿಗೆ ಪಿಸ್ತೂಲ್‌ ಹಾಗೂ ಕಾರ್ಟ್ರಿಜ್‌ಗಳನ್ನು ಪೂರೈಕೆ ಮಾಡಿದ ಆರೋಪ ಜಬರವಾಲಾ ವಿರುದ್ಧ ಇದೆ.
ಅನ್ಯ ಧರ್ಮ ಕುರಿತ ಆಕ್ಷೇಪಾರ್ಹ ಪೋಸ್ಟ್‌ವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದ ಎಂಬ ಕಾರಣಕ್ಕೆ 30 ವರ್ಷದ ಕಿಶನ್‌ ಬೊಲಿಯಾ ಎಂಬಾತನನ್ನು ಜ. 25ರಂದು ಗುಂಡಿಕ್ಕಿ ಹತ್ಯೆ ಮಾಡಲಾಗಿತ್ತು
