ನವದೆಹಲಿ: ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು ಹಂಚಿಕೊಂಡ ಅಂಕಿ ಅಂಶಗಳ ಪ್ರಕಾರ, ಈ ವರ್ಷ ಜೂನ್ ವರೆಗೆ 87,026 ಭಾರತೀಯರು ತಮ್ಮ ಭಾರತೀಯ ಪೌರತ್ವವನ್ನು ತ್ಯಜಿಸಿದ್ದಾರೆ.
ಅತಿ ಹೆಚ್ಚು ಭಾರತೀಯರು ತಮ್ಮ ಪೌರತ್ವವನ್ನು ತ್ಯಜಿಸಿದ ದೇಶಗಳೆಂದರೆ ಯು ಎಸ್ (28,230), ಕೆನಡಾ( 17,993), ಆಸ್ಟ್ರೇಲಿಯಾ (16,125), ಯುಕೆ (9,815), ಇಟಲಿ(2,620), ನ್ಯೂಜಿಲೆಂಟ್ (1, 882), ಸ್ವೀಡನ್ (1,880), ನೆದಲ್ರ್ಯಾಂಡ್ಸ್(1,494), ಜರ್ಮನಿ(1,372), ಮತ್ತು ಸಿಂಗಾಪುರ (1,126).
2022 ರಲ್ಲಿ, ತಮ್ಮ ಭಾರತೀಯ ಪೌರತ್ವವನ್ನು ತ್ಯಜಿಸಿರುವ ಸಂಖ್ಯೆ 2,25,620 ಕ್ಕೆ ತಲುಪಿದೆ. ಇದು ಕಳೆದ 12 ವರ್ಷಗಳಲ್ಲಿ ಅತಿ ಹೆಚ್ಚು ಸಂಖ್ಯೆಯಾಗಿದೆ.
“ಕಳೆದ ಎರಡು ದಶಕಗಳಲ್ಲಿ ಜಾಗತಿಕ ಕೆಲಸದ ಸ್ಥಳವನ್ನು ಅನ್ವೇಷಿಸುವ ಭಾರತೀಯ ಪ್ರಜೆಗಳ ಸಂಖ್ಯೆ ಗಮನಾರ್ಹವಾಗಿದೆ’ ಎಂದು ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಕಳೆದ ತಿಂಗಳು ಲೋಕಸಭೆಗೆ ಲಿಖಿತ ಉತ್ತರದಲ್ಲಿ ತಿಳಿಸಿದ್ದರು.