ನವದೆಹಲಿ: ದೇಶದ ಮಹಾತ್ವಕಾಂಕ್ಷೆಯ ರೈಲು ಯೋಜನೆಗಳಲ್ಲೊಂದಾದ ಅಹಮದಾಬಾದ್-ಮುಂಬೈ ಬುಲೆಟ್ ರೈಲು ಯೋಜನೆಯಲ್ಲಿ ಪ್ರಮುಖ ಪ್ರಕ್ರಿಯೆ ಪೂರ್ಣಗೊಂಡಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದ್ದಾರೆ.
ಇದಕ್ಕೆ ಸಂಬಂಧಿಸಿದ ವಿಡಿಯೋವನ್ನು ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಬುಲೆಟ್ ಟ್ರೈನ್ ಪ್ರಾಜೆಕ್ಟ್‌ನಲ್ಲಿ ಭಾರೀ ಪ್ರಗತಿ ಸಾಧಿಸಲಾಗಿದ್ದು, 251.40 ಕಿಲೋಮೀಟರ್‌ನಲ್ಲಿ ಪಿಲ್ಲರ್‌ಗಳು, 103.24 ಕಿಮೀಗಳಲ್ಲಿ ಎಲಿವೇಟೆಡ್ ಸೂಪರ್ ಸ್ಟ್ರಕ್ಚರ್ ನಿರ್ಮಿಸಲಾಗಿದೆ ಎಂದು ಅವರು ವೀಡಿಯೊವನ್ನುಟ್ವೀಟ್ ಮಾಡಿದ್ದಾರೆ.
ಈ ರೈಲು ಕಾರಿಡಾರ್‌ನ ಉದ್ದ 508.17 ಕಿಲೋಮೀಟರ್. ಈ ರೈಲು ಸೇವೆ ಲಭ್ಯವಾದ ನಂತರ, ಅಹಮದಾಬಾದ್‌ನಿಂದ ಕೇವಲ ಎರಡೂವರೆ ಗಂಟೆಗಳಲ್ಲಿ ಮುಂಬೈ ತಲುಪಬಹುದು. ಗುಜರಾತ್ ನಲ್ಲಿ ಒಟ್ಟು 8 ನಿಲ್ದಾಣಗಳಿವೆ. ಮಹಾರಾಷ್ಟ್ರದಲ್ಲಿ ನಾಲ್ಕು ನಿಲ್ದಾಣಗಳಿವೆ.
ಬುಲೆಟ್ ರೈಲಿನ ಮೊದಲ ಪ್ರಯೋಗವನ್ನು 2026 ರಲ್ಲಿ ನಡೆಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಾಯೋಗಿಕ ಸಂಚಾರದ ಭಾಗವಾಗಿ ಬುಲೆಟ್ ರೈಲು ಗಂಟೆಗೆ 350 ಕಿಲೋಮೀಟರ್ ವೇಗದಲ್ಲಿ ಚಲಿಸಲಿದೆ, ಇದು ವಿಮಾನದ ಟೇಕಾಫ್ ವೇಗಕ್ಕೆ ಸಮಾನವಾಗಿದೆ. ಆದರೆ, ಇದು ಸಾರ್ವಜನಿಕರಿಗೆ ಲಭ್ಯವಾದಾಗ, ಗಂಟೆಗೆ 320 ಕಿ.ಮೀ ವೇಗದಲ್ಲಿ ಓಡಲು ಸಾಧ್ಯವಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Progress of Bullet Train project:
Till date: 21.11.2023
Pillars: 251.40 Km
Elevated super-structure: 103.24 Km pic.twitter.com/SKc8xmGnq2— Ashwini Vaishnaw (@AshwiniVaishnaw) November 23, 2023
