ನವದೆಹಲಿ: KYC ಪೂರ್ಣಗೊಳ್ಳದ ಫಾಸ್ಟ್ಯಾಗ್ ಗಳನ್ನು ಜ.೩೧ರಿಂದ ನಿಷ್ಕ್ರಿಯಗೊಳಿಸಲಾಗುತ್ತದೆ ಎಂದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಸೋಮವಾರ ಎಚ್ಚರಿಸಿದೆ.
ಗುರುತು ಹಾಗು ಪರಿಶೀಲನೆಗೆ ಸಹಕಾರಿಯಾಗಿರುವ KYC (know your customer) ಪೂರ್ಣಗೊಳಿಸದೇ ಇದ್ದಲ್ಲಿ ಖಾತೆಯಲ್ಲಿ ಬಾಕಿ ಮೊತ್ತವಿದ್ದರೂ ಕೂಡ ಬ್ಯಾಂಕಿನ ಕಡೆಯಿಂದ ಫಾಸ್ಟ್ಯಾಗ್ ನಿಷ್ಕ್ರಿಯಗೊಳ್ಳಲಿದೆ ಎಂದು NHAI ತಿಳಿಸಿದೆ.
ಹೆದ್ದಾರಿಗಳಲ್ಲಿ ಸಂಚರಿಸುವಾಗ ಟೋಲ್ ಪ್ಲಾಜಾಗಳ ಬಳಿ ಸರತಿಯಲ್ಲಿ ನಿಂತು ಸಾಗುವ ತೊಂದರೆ ತಪ್ಪಿಸಿ ಸರಳ ಹಾಗು ಸುಗಮ ವ್ಯವಸ್ಥೆ ಕಲ್ಪಿಸಲು ʼಒನ್ ವೆಹಿಕಲ್ – ಒನ್ ಫಾಸ್ಟ್ಯಾಗ್ʼ ಎಂಬ ಪರಿಕಲ್ಪನೆಯನ್ನು ಕಾರ್ಯರೂಪಕ್ಕೆ ತರಲಾಗಿತ್ತು. ಈ ವ್ಯವಸ್ಥೆಯಿಂದಾಗಿ ಹಲವು ವಾಹನಗಳಿಗೆ ಒಂದೇ Fastag ಬಳಸುವುದನ್ನು ಅಥವ ಒಂದು ವಾಹನಕ್ಕೆ ಹಲವು FasTag ಬಳಸುವುದನ್ನು ತಡೆಗಟ್ಟಲು ಅನುಕೂಲಕರವಾಗಿದೆ.
ಈಗ ಗ್ರಾಹಕರಿಗೆ ತಮ್ಮ KYC ಪೂರ್ಣಗೊಳಿಸಲು ಸೂಚಿಸಿ, ೩೧ರ ತನಕ ಕಾಲಾವಕಾಶ ಒದಗಿಸಲಾಗಿದ್ದು, ಹೆಚ್ಚಿನ ಮಾಹಿತಿಗಾಗಿ ಹತ್ತಿರದಟೋಲ್ ಪ್ಲಾಜ಼ಾ ಅಥವ ಬ್ಯಾಂಕನ್ನು ಸಂಪರ್ಕಿಸಲು ಸೂಚಿಸಲಾಗಿದೆ.
ಭಾರತದಲ್ಲಿ ಪ್ರಸ್ತುತ ೮ ಕೋಟಿಗೂ ಅಧಿಕ ಮಂದಿ FasTag ಹೊಂದಿದ್ದು, KYC ಪೂರ್ಣಗೊಳಿಸದೆ FasTag ಹೊಂದುವುದು RBI ನಿಯಮದ ಪ್ರಕಾರ ತಪ್ಪು ಎನ್ನಲಾಗಿದೆ.
