ನವದೆಹಲಿ: ೨೦೨೪-೨೫ರ ಮಧ್ಯಂತರ ಬಜೆಟ್ ಫೆ.೧ಕ್ಕೆ ಮಂಡನೆಗೆ ಸಿದ್ಧವಾಗಿದ್ದು,ಇದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ರವರ ಆರನೆ ಬಜೆಟ್ ಆಗಿರುತ್ತದೆ.
ಲೋಕಸಭಾ ಚುನಾವಣೆಯ ನಂತರ ಸರ್ಕಾರ ರಚನೆಯಾಗುವ ತನಕ ಅಸ್ತಿತ್ವದಲ್ಲಿರಲಿರುವ ಈ ಬಜೆಟ್ ನಲ್ಲಿ ಮಹತ್ವದ ನೀತಿ ಬದಲಾವಣೆ ಮತ್ತು ದೊಡ್ಡ ಯೋಜನೆಗಳ ಘೋಷಣೆಯ ನೀರೀಕ್ಷೆಯಿರದಿದ್ದರೂ, ಜನಪರ ಯೋಜನೆ ಹಾಗು ಹಣಕಾಸಿನ ಬಲವರ್ಧನೆಗೆ ಸರ್ಕಾರ ಇಡುವ ಹೆಜ್ಜೆಗಳ ಬಗ್ಗೆ ಕುತೂಹಲವಿದೆ.
ಗುರುವಾರ ಬೆಳಗ್ಗೆ ೧೧ಗಂಟೆಗೆ ಮಂಡನೆಯಾಗಲಿರುವ ಬಜೆಟ್ ಅನ್ನು ಸಂಸದ್ ಟಿವಿ ಮತ್ತು ಡಿಡಿ ನ್ಯೂಸ್ ನೇರಪ್ರಸಾರ ಮಾಡಲಿದ್ದು, ಪ್ರೆಸ್ ಇನ್ಪರ್ಮೇಷನ್ ಬ್ಯೂರೋ (ಪಿಐಬಿ) ಯೂಟ್ಯೂಬ್ ಚಾನೆಲ್ ಹಾಗು ವೆಬ್ಸೈಟ್ ನಲ್ಲೂ ನೇರಪ್ರಸಾರವನ್ನು ವೀಕ್ಷಿಸಬಹುದು.
ಬಜೆಟ್ ಮಂಡನೆಯ ಬಳಿಕ ʼಯೂನಿಯನ್ ಬಜೆಟ್ʼ ಮೊಬೈಲ್ ಅಪ್ಲಿಕೇಷನ್ ನಲ್ಲಿ ಅಥವ ʼಯೂನಿಯನ್ ಬಜೆಟ್ ವೆಬ್ಸೈಟ್ʼನಲ್ಲಿ ಅದರ ಪ್ರತಿಯನ್ನು ಪಡೆಯಬಹುದು.