ನವದೆಹಲಿ: ಭಾರತೀಯ ನೌಕಾಪಡೆಯ ಯುದ್ಧನೌಕೆ ಐಎನ್ಎಸ್ ಸುಮೇಧಾ, ಇರಾನ್ ಮೀನುಗಾರಿಕಾ ಹಡಗಿನ ಅಲ್-ಕಂಬಾರ್ನಿಂದ 23 ಪಾಕಿಸ್ತಾನದ ಪ್ರಜೆಗಳನ್ನು ಸೊಮಾಲಿಯಾ ಕಡಲ್ಗಳ್ಳರಿಂದ ರಕ್ಷಣೆ ಮಾಡಿದೆ.
ಹಡಗಿನಲ್ಲಿ ಸೊಮಾಲಿಯಾದ 9 ಕಡಲ್ಗಳ್ಳರಿದ್ದರು. ಹಡಗು ಯೆಮನ್ನ ಸೊಕೊಟ್ರಾ ದ್ವೀಪದ ನೈಋತ್ಯಕ್ಕೆ ಸುಮಾರು 166 ಕಿ.ಮೀ ದೂರಲ್ಲಿ ಪ್ರಯಾಣಿಸುವಾಗ ಹೈಜಾಕ್ ಮುನ್ಸೂಚನೆ ಬಂದಿದೆ. ಮಾಹಿತಿ ತಿಳಿಯುತ್ತಿದ್ದಂತೆ ತಕ್ಷಣ ಎಚ್ಚರಗೊಂಡ ಭಾರತೀಯ ನೌಕಾಪಡೆ INS ಸುಮೇಧಾ ಮೂಲಕ ಇರಾನ್ ಹಡಗನ್ನು ನಿಲ್ಲಿಸಿದೆ.
ನೌಕಾಪಡೆ ತಂಡ 12 ಗಂಟೆ ಬಿರುಸಿನ ಕಾರ್ಯಾಚರಣೆ ನಡೆಸಿ ದರೋಡೆಕೋರರನ್ನು ಶರಣಾಗುವಂತೆ ಒತ್ತಡ ಹಾಕಿದೆ. ಬಳಿಕ ಐಎನ್ಎಸ್ ತ್ರಿಶೂಲ್ ಸಹಾಯದಿಂದ ಅವರ ಹಡಗನ್ನು ದರೋಡೆಕೋರರಿಂದ ರಕ್ಷಣೆ ಮಾಡಿ 9 ಕಡಲ್ಗಳ್ಳರನ್ನ ವಶಕ್ಕೆ ಪಡೆಯಲಾಗಿದೆ ಎಂದು ಹೇಳಲಾಗಿದೆ.ಕಡಲ್ಗಳ್ಳರ ಸೊಕ್ಕು ಮುರಿದ ಭಾರತೀಯ ನೌಕಪಡೆ ಕಡಲ್ಗಳ್ಳರಿಂದ 23 ಪಾಕಿಸ್ತಾನದ ಪ್ರಜೆಗಳನ್ನು ರಕ್ಷಣೆ ಮಾಡಿ ಮಾನವೀಯತೆ ಮೆರದಿದೆ.