ನವದೆಹಲಿ: ಹಣಕಾಸು ತಂತ್ರಜ್ಞಾನ ಸಂಸ್ಥೆ ಪೇಟಿಎಂ ತನ್ನ ಪ್ಲಾಟ್ಫಾರ್ಮ್ನಲ್ಲಿ ಸಖತ್ ಆಫರ್ಗಳನ್ನು ಗ್ರಾಹಕರ ಮುಂದಿಟ್ಟಿದೆ. ಅದರಲ್ಲೂ ಫ್ಲೈಟ್, ರೈಲು ಮತ್ತು ಬಸ್ಸುಗಳ ಟಿಕೆಟ್ ಬುಕಿಂಗ್ಗೆ ಡಿಸ್ಕೌಂಟ್ ಸೇರಿದಂತೆ ವಿವಿಧ ಆಫರ್ಗಳಿವೆ. ಅಕ್ಟೋಬರ್ 27ರಂದೇ ಶುರುವಾದ ಕಾರ್ನಿವಲ್ ಸೇಲ್ ನವೆಂಬರ್ 5ಕ್ಕೆ ಮುಗಿಯುತ್ತದೆ. ವಿಮಾನ ಟಿಕೆಟ್ಗಳಿಗಂತೂ ಬಹಳಷ್ಟು ರಿಯಾಯಿತಿಗಳನ್ನು ಪೇಟಿಎಂ ಘೋಷಿಸಿದೆ.
ದೇಶೀಯ ಫ್ಲೈಟ್ಗಳಿಗೆ ಶೇ. 15ರಷ್ಟು ಇನ್ಸ್ಟೆಂಟ್ ಡಿಸ್ಕೌಂಟ್ ಕೊಡಲಾಗುತ್ತಿದೆ. ಅಂತಾರಾಷ್ಟ್ರೀಯ ಫ್ಲೈಟ್ಗಳಿಗೆ ಶೇ. 10ರಷ್ಟು ರಿಯಾಯಿತಿ ಇದೆ. ಈ ಆಫರ್ ನವೆಂಬರ್ 5ರವರೆಗೂ ಮಾತ್ರವೇ ಇರುವುದು. ಇಂಡಿಗೋ, ವಿಸ್ತಾರ, ಏರ್ ಇಂಡಿಯಾ, ಏರ್ ಇಂಡಿಯಾ ಎಕ್ಸ್ಪ್ರೆಸ್, ಸ್ಪೈಸ್ಜೆಟ್, ಸ್ಟಾರ್ ಏರ್ ಮತ್ತು ಆಕಾಸ ಏರ್ಲೈನ್ಸ್ ಸಂಸ್ಥೆಗಳ ಫ್ಲೈಟ್ಗಳ ಬುಕಿಂಗ್ಗೆ ಪೇಟಿಎಂ ಈ ಭರ್ಜರಿ ಡಿಸ್ಕೌಂಟ್ಗಳನ್ನು ಕೊಟ್ಟಿದೆ.
ವಿಮಾನ ಮಾತ್ರವಲ್ಲ ಬಸ್ ಟಿಕೆಟ್ಗೂ ಪೇಟಿಎಂ ಬೆಸ್ಟ್ ಪ್ರೈಸ್ ನೀಡುತ್ತಿದೆ. ತನ್ನ ಪ್ಲಾಟ್ಫಾರ್ಮ್ನಲ್ಲಿ ಬಸ್ ಟಿಕೆಟ್ ಅತಿ ಕಡಿಮೆ ಎಂದು ಪೇಟಿಎಂ ಹೇಳಿಕೊಂಡಿದೆ. 2,500 ಬಸ್ ಆಪರೇಟರುಗಳನ್ನು ಪೇಟಿಎಂ ಒಳಗೊಂಡಿದೆ. ಈ ಪ್ಲಾಟ್ಫಾರ್ಮ್ನಲ್ಲಿ ಲೈವ್ ಬಸ್ ಟ್ರ್ಯಾಕಿಂಗ್ ಸೌಲಭ್ಯವೂ ಇದೆ.