ನವದೆಹಲಿ: ರಾಜಧಾನಿಯಲ್ಲಿ ಮೂವತ್ತೆರಡು ವರ್ಷದ ಮಹಿಳೆಗೆ ಮೇಲೆ ಸಾಮೂಹಿಕ ಅತ್ಯಾಚಾರ ಮಾಡಿದ ಘಟನೆ ದೇಶದ ನಡೆದಿದೆ.
ದೆಹಲಿಯ ಆದರ್ಶ ನಗರದ ಹೋಟೆಲ್ ಕೋಣೆಯಲ್ಲಿ ಮೂವರು ಆರೋಪಿಗಳಿಂದ ಈ ಕೃತ್ಯ ನಡೆದಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಅಜಯ್, ತಾರಾ ಚಂದ್, ನರೇಶ್ ಮೂವರು ಆರೋಪಿಗಳು ರಾಜಸ್ಥಾನದ ಅಲ್ವಾರ್ ಮೂಲದವರು. ಆರೋಪಿಗಳನ್ನು ಪೊಲೀಸರು ಈಗಾಗಲೇ ಬಂಧಿಸಿದ್ದಾರೆ.
ದೆಹಲಿ ಉಪ ಪೊಲೀಸ್ ಆಯುಕ್ತೆ ಉಶಾ ರಂಗ್ನಾನಿ ಪ್ರಕರಣದ ಮಾಹಿತಿ ನೀಡಿದ್ದು, ಸಂತ್ರಸ್ಥೆ ಹೇಳಿಕೆ ಪ್ರಕಾರ ಅಜಯ್ ಆಕೆಯ ಪರಿಚಯಸ್ಥನಾಗಿದ್ದು ಆತನ ಜೊತೆ ಭಾನುವಾರ ಹೋಟೆಲ್ ರೂಮೊಂದರಲ್ಲಿ ತಂಗಿದ್ದರು. ಈ ವೇಳೆ ಅಜಯ್ ಸ್ನೇಹಿತರೂ ಸಹ ಹೋಟೆಲ್ನಲ್ಲೇ ಇದ್ದರು. ಈ ವೇಳೆ ಡ್ರಿಂಕ್ಸ್ ಗೆ ಮತ್ತು ಬರುವ ಔಷಧಿ ಹಾಕಿದ್ದರು ಅದನ್ನು ಕುಡಿದು ಕೆಲ ನಿಮಿಷಗಳೊಳಗೆ ಆಕೆಗೆ ಪ್ರಜ್ಞೆ ತಪ್ಪಿದೆ. ಅದಾದ ನಂತರ ಆಕೆಯನ್ನು ಮೂವರೂ ಸಾಮೂಹಿಕವಾಗಿ ಅತ್ಯಾಚಾರ ಮಾಡಿದ್ದಾರೆ ಎಂದು ದೂರಿನಲ್ಲಿ ಸಂತ್ರಸ್ಥೆ ತಿಳಿಸಿದ್ದಾರೆ.